નવી દિલ્હી : ઇંગ્લેન્ડના બેટ્સમેન લિયામ લિવિંગસ્ટોનને 10 એપ્રિલે તેની ટીમ પંજાબ કિંગ્સ સાથે જોડાવા માટે આ સપ્તાહના અંત સુધીમાં ઇંગ્લેન્ડ અને વેલ્સ ક્રિકેટ બોર્ડ (ECB) તરફથી ફિટનેસ ક્લિયરન્સ મળશે. જણાવી દઈએ કે, લિવિંગસ્ટોન ચાર મહિના પહેલા પાકિસ્તાનમાં ટેસ્ટ ડેબ્યૂ દરમિયાન ઈજાગ્રસ્ત થયા હતા. તેમને ઘૂંટણની ઈજા થઈ હતી જેના કારણે તે ત્યાર બાદ સ્પર્ધાત્મક ક્રિકેટ રમી શક્યા ન હતા. આ દરમિયાન તેની ગયા વર્ષની પગની ઘૂંટીની ઈજા પણ સામે આવી હતી.
લિવિંગસ્ટોન 10 એપ્રિલે ભારત આવશે : લિવિંગસ્ટોન 10 એપ્રિલે ભારત આવી રહ્યા છે. આ સૂત્રએ કહ્યું, 'તે સોમવારે અહીં પહોંચશે'. પંજાબ કિંગ્સે તેની આગામી મેચ 9મી એપ્રિલે સનરાઈઝર્સ હૈદરાબાદ સામે રમવાની છે અને આ મેચમાં ટીમને લિવિંગસ્ટોનની સેવાઓ નહીં મળે તે નિશ્ચિત છે. જો કે, તે 13 એપ્રિલે ટીમની સીઝનની ચોથી મેચ માટે મેદાનમાં ઉતરી શકે છે. લિવિંગસ્ટોને ગુરુવારે કહ્યું કે, તે સંપૂર્ણ ફિટનેસ પાછી મેળવવાની નજીક છે.
આ પણ વાંચો : IPL 2023 : RCBએ રજત પાટીદાર અને રીસ ટોપલીને રિપ્લેસમેંટની કરી જાહેરાત, આ ડેશિંગ ઓલરાઉન્ડરની થશે એટ્રી
લિવિંગસ્ટોનેે કહ્યું હું રમવા માટે આતુર છું : લિવિંગસ્ટોનેે કહ્યું, 'હું હવે તે સ્થાને પહોંચી રહ્યો છું. છેલ્લા બે મહિના ખૂબ જ મુશ્કેલ હતા, પરંતુ આખરે હવે હું નાના બાળકની જેમ ક્રિકેટ રમવા માટે ખૂબ જ ઉત્સાહિત છું. તેણે કહ્યું કે, 'આશા છે કે આગામી બે દિવસમાં મને ત્યાં જવાની પરવાનગી મળી જશે. હું રમવા માટે આતુર છું અને આશા રાખું છું કે આગામી 48 કલાકમાં મને આખરે મંજૂરી મળી જશે. લિવિંગસ્ટોન પંજાબ કિંગ્સ માટે મહત્વપૂર્ણ ખેલાડી છે. ગયા વર્ષે હરાજી પહેલા ટીમે તેને 11.50 કરોડ રૂપિયામાં જાળવી રાખ્યો હતો. તેણે છેલ્લી સિઝનમાં 182.08ના સ્ટ્રાઈક રેટથી 437 રન બનાવ્યા હતા.
આ પણ વાંચો : IPL 2023: ગુજરાત ટાઈટન્સના COO ટીમને લઈ કહી મોટી વાત
લિવિંગસ્ટોન ટીમમાં સામેલ થવાથી પંજાબ કિંગ્સ મજબૂત થશે : જણાવી દઈએ કે, IPL 2022ની હરાજીમાં પંજાબ કિંગ્સે લિવિંગસ્ટોનને 11.50 કરોડ રૂપિયામાં ખરીદ્યો હતો. ગત IPL સિઝનમાં ઈંગ્લેન્ડના આ ઓલરાઉન્ડરે શાનદાર પ્રદર્શન કર્યું હતું. તેણે IPL 2022માં 14 મેચમાં 437 રન બનાવ્યા હતા અને બોલિંગ કરતી વખતે તેની ટીમ માટે 6 વિકેટ પણ લીધી હતી. તેની ટીમમાં સામેલ થવાથી પંજાબ કિંગ્સ મજબૂત થશે. આ સિઝનમાં પંજાબ કિંગ્સ જીતના દાવેદારોમાં સામેલ છે.
