મુંબઈની હૈદરાબાદ સામે ધમાકેદાર જીત, જાણો સુપર ઓવરમાં કેવી રીતે બાજી મારી..?

ન્યૂઝ ડેસ્ક: IPLની 12મી સિઝનની 51મા મેચમાં મુંબઈ ઈંડિયન્સ અને સનરાઈઝર્સ હૈદરાબાદ વચ્ચે મુકાબલો થયો હતો. જેમાં ટોસ જીતીને રોહિત શર્માઓ પ્રથમ બલ્લેબાજી પસંદ કરી અને 20 ઓવરમાં 5 વિકેટ પર 162 રન બનાવ્યા હતા. જેમાં મુંબઈ તરફથી સૌથી વધુ રન ક્વિટન ડી કૉકએ 69 બનાવ્યા હતા. તો બીજી તરફ સામે પણ વળતો પ્રહાર કરતા હૈદરાબાદની ટીમે પણ 20 ઓવરમાં 162 બનાવ્યા. જેમાં મનીષ પાંડેએ 71 રન બનાવી અને મેચને સુપર ઓવર સુધી પહોંચાડવામાં મહત્વની ભૂમિકા ભજવી હતી.

જો કે, હૈદરાબાદને છેલ્લી ઓવરમાં જીતવા માટે 17 રનની જરૂરિયાત હતી. ઓવર નાખવા માટે હાર્દિક પંડ્યા આવ્યો જ્યારે સામે પીચ પર હતા મોહમ્મદ નબી અને મનીષ પાંડે હતા. નબીએ પ્રથમ બોલ પર 1 રન લીધો. બીજા બોલમાં પાંડેએ 1 રન મેળવ્યો. જ્યારે ત્રીજા બોલ પર નબીએ લોન્ગ ઓનની ઉપરથી સિક્સર લગાવી હતી. ચોથા બોલ પર નબીએ ફરી હવાઈ શોટ લગાવ્યો, પરંતુ આ વખતે બોલ સીધો સૂર્યકુમારના હાથમાં ગયો હતો અને તેઓએ 20 બોલમાં 31 રન બનાવ્યા.

મુંબઈની હૈદરાબાદ સામે ધમાકેદાર જીત

પાંચમા બોલ પર મનીષ પાંડેએ 2 રન બનાવ્યા અને અંતિમ બોલ પર જીત માટે 7 રનની જરૂરિયાત હતી, પરંતુ તે વખતે તેણે લોન્ગ ઓન પર સિક્સર લગાવીને મેચને ટાઈ કરી હતી. આ સાથે જ આ ટાઈ મેચ IPL 2019 ની બીજી ટાઈ મેચ છે. આની પહેલા પર કોલકાતા નાઈટરાઈડર્સ અને દિલ્હી કેપિટલ્સ વચ્ચેની મેચ પણ ટાઈ થઈ હતી જેમાં દિલ્હીએ બાજી મારી હતી.

સુપર ઓવર:
હૈદરાબાદે પ્રથમ બેટિંગ કરી...

પ્રથમ બોલ- જસપ્રીત બુમરાહે ઓફ સાઈડની બાહર બોલ ફેક્યો. જેમાં હૈદરાબાદના મનીષ પાંડેએ શોટ રમ્યો, પરંતુ બીજા રન લેવામાં તેઓ રન આઉટ થઈ ગયો હતો. હવે હૈદરાબાદ પાસે એક જ વિકેટ બચી હતી.

બીજો બોલ- માર્ટિન ગપ્ટિલ પીચ પર આવ્યો અને 1 રન લીધો.

ત્રીજો બોલ- બુમરાહે શોર્ટ બોલ ફેંકી અને મોહમ્મદ નબીને લેગ સાઈડ પર એક શાનદાર સિક્સર લગાવી દીધી.

ચોથો બોલ- આ વખતે બુમરાહે પલટવાર કરતા નબીને બોલ્ડ કર્યો હતો. હૈદરાબાદે 8 રન બનાવ્યા અને મુંબઈને મળ્યો 9 રનનો લક્ષ્યાંક

મુંબઈની બેટિંગ- હાર્દિક પાંડ્યા અને કેરૉન પોલાર્ડ સામે રાશિદ ખાન

પ્રથમ બોલ- રાશિદ ખાનની બોલ પર પાંડ્યાએ લોન્ગ ઓફ ફિલ્ડરની ઉપર સિક્સર લગાવી હતી, જ્યારે જીતનો આંકડો માત્ર 3 રન દુર હતો.

બીજો બોલ- પાંડ્યાએ 1 રન લીધો. જીતનું અંતર 2 રન થયું.

ત્રીજો બોલ- કેરૉન પોલાર્ડે રાશિદ ખાનના ગુગલીના ડીપ મિડવિકેટ પર રમીને 2 રન બનાવ્યા અને મુંબઈને મળી શાનદાર જીત

મુંબઈની આ જીત સાથે જ 13 મેચોમાં 8 જીત સાથે 16 પોઈન્ટ થઈ ગયા છે અને આ જીત બાદ પ્લેઓફમાં પર પોતાનું સ્થાન પાક્કું કરી લીધું છે. આની પહેલા ચેન્નઈ સુપર કિંગ્સ અને દિલ્હી કેપિટલ્સ કવોલિફાઈ કરી ચુકી છે.