મોહાલીઃ ઓસ્ટ્રેલિયા સામે ભારતની ત્રણ મેચની વનડે શ્રેણી આજથી શરૂ થઈ રહી છે. કેપ્ટન રોહિત શર્મા, વિરાટ કોહલી, કુલદીપ યાદવ અને હાર્દિક પંડ્યાને પ્રથમ બે મેચ માટે આરામ આપવામાં આવ્યો છે. આનાથી ટીમને બાકીના ખેલાડીઓનું મૂલ્યાંકન કરવાની તક મળશે. વર્લ્ડ કપ 2023 પહેલા, બંને ટીમો પાસે મેગા-ઇવેન્ટ પહેલા તેમની તૈયારીઓ અને વ્યૂહરચના સુધારવાની મોટી તક છે.
કોણ કરશેે ઓપનિંગ?: ઐયર એશિયા કપ દરમિયાન ઈજાના કારણે બહાર થઈ ગયો હતો. આવી સ્થિતિમાં, તેની ફિટનેસ પર હજુ પણ સસ્પેન્સ છે જ્યારે સૂર્યા હજુ સુધી વનડેમાં તેનું ફોર્મ સાબિત કરી શક્યો નથી. રોહિત શર્માની ગેરહાજરીમાં ઈશાન કિશન શુભમન ગિલ સાથે ઓપનિંગ કરે તેવી શક્યતા છે. તે જ સમયે, જો ટીમ મેનેજમેન્ટ મોહમ્મદ સિરાજને આરામ આપે છે તો મોહમ્મદ શમીના રમવાની સંભાવના છે.
અક્ષર પટેલનો વિકલ્પ કોણ બનશેઃ એશિયા કપમાં ભારતે શાનદાર જીત નોંધાવી છે. આખી ટીમ જોરદાર ફોર્મમાં છે પરંતુ કેટલાક ક્ષેત્ર એવા છે જ્યાં તેઓ વધુ સુધારો કરવાનો પ્રયાસ કરશે. અક્ષર પટેલ ઈજાના કારણે બહાર છે. રવિચંદ્રન અશ્વિન અને વોશિંગ્ટન સુંદરની ઓફ-સ્પિન જોડીમાંથી તેની જગ્યાએ કોણ વધુ સારો વિકલ્પ હશે તે જોવું રસપ્રદ રહેશે. બેટિંગ મોરચે, ઓસ્ટ્રેલિયા સામેની શ્રેણી શ્રેયસ અય્યર અને સૂર્યકુમાર યાદવને તેમની છાપ છોડવાની તક આપશે.
મિચેલ સ્ટાર્ક અને ગ્લેન મેક્સવેલ નહિ રમેઃ ઓસ્ટ્રેલિયા મુશ્કેલીનો સામનો કરી રહ્યું છે.બીજી તરફ ઓસ્ટ્રેલિયા દક્ષિણ આફ્રિકા સામે 3-2થી શ્રેણી હારી ગયું છે. ટીમના ઘણા ખેલાડીઓ ઈજાગ્રસ્ત છે. તેથી, આ ચેમ્પિયન ટીમ ઘણી સમસ્યાઓનો સામનો કરી રહી છે. જોકે, ઓસ્ટ્રેલિયા માટે સારા સમાચાર એ છે કે, કેપ્ટન પેટ કમિન્સ અને સ્ટીવ સ્મિથ શુક્રવારે મેદાનમાં ઉતરવા માટે ફિટ છે, પરંતુ મિચેલ સ્ટાર્ક અને ગ્લેન મેક્સવેલ પ્રથમ મેચનો ભાગ નહીં હોય. આ સિવાય સીન એબોટ, નાથન એલિસ, સ્પેન્સર જોન્સન અને એશ્ટન અગર પણ સમસ્યાઓથી ઝઝૂમી રહ્યા છે.
માર્નસ લાબુશેન અને ટિમ ડેવિડ વાપસીઃ ટ્રેવિસ હેડને ડાબા હાથમાં ફ્રેક્ચર થવાથી વર્લ્ડ કપ 2023માંથી બહાર થવાની શક્યતા છે, જેના કારણે માર્નસ લાબુશેન અને ટિમ ડેવિડને રિપ્લેસમેન્ટ પ્લેયર તરીકે તેમની 50-ઓવરની ક્ષમતા દર્શાવવાની વધુ તક મળી છે. કમિન્સ અને સ્મિથની વાપસીથી ઓસ્ટ્રેલિયા મજબૂત બન્યું છે, જેઓ ભારત વિ ઓસ્ટ્રેલિયા વનડે શ્રેણીને વર્લ્ડ કપની તૈયારી માટે એક આદર્શ પ્લેટફોર્મ માને છે. જ્યાં તેમની શરૂઆતી મેચની પ્રતિસ્પર્ધી પણ ભારત છે. દક્ષિણ આફ્રિકામાં સતત રન આપ્યા પછી, જોશ હેઝલવુડ, એડમ ઝમ્પા અને માર્કસ સ્ટોઇનિસ મોહાલીની સપાટ પિચ પર તેમના ટોચના ODI ફોર્મમાં પાછા ફરવાનું લક્ષ્ય રાખશે.
પ્રથમ બે વનડે માટે ભારત: પ્રથમ બે વનડે માટે ભારતીય ટીમઃ કેએલ રાહુલ (કેપ્ટન અને વિકેટકીપર), રવિન્દ્ર જાડેજા (વાઈસ-કેપ્ટન), રૂતુરાજ ગાયકવાડ, શુભમન ગિલ, શ્રેયસ અય્યર, સૂર્યકુમાર યાદવ, તિલક વર્મા, ઈશાન કિશન, શાર્દુલ ઠાકુર, વોશિંગ્ટન સુંદર , આર અશ્વિન, જસપ્રીત બુમરાહ, મોહમ્મદ શમી, મોહમ્મદ સિરાજ, પ્રસિદ્ધ ક્રિષ્ના.
ઓસ્ટ્રેલિયાની ટીમ: પેટ કમિન્સ (કેપ્ટન), સીન એબોટ, એલેક્સ કેરી, નાથન એલિસ, કેમેરોન ગ્રીન, જોશ હેઝલવુડ, જોશ ઈંગ્લિસ, સ્પેન્સર જોન્સન, માર્નસ લાબુશેન, મિશેલ માર્શ, ગ્લેન મેક્સવેલ, તનવીર સંઘા, મેટ શોર્ટ, સ્ટીવ સ્મિથ, મિશેલ સ્ટાર્ક, માર્કસ સ્ટોઇનિસ, ડેવિડ વોર્નર, એડમ ઝમ્પા.
આ પણ વાંચોઃ
