નવી દિલ્હીઃ પૉલકે સોની ટેન પીટ સ્ટોપ પ્રોગ્રામમાં કહ્યું કે,"હા, ભારત હવે ત્રીજા ઝડપી બોલર સાથે ખૂબ જ મજબૂત સ્થિતિમાં છે. ભારત પાસે બોલિંગ વિવિધતા અને અનેક બોલર છે. કેટલાક બોલર્સ લાંબા કદના છે, તો કેટલાક ટૂંકા કદના છે, બીજી તરફ કેટલાક બોલની ઝડપ સાથે સ્વિંગ પણ કરાવે છે."
સાઉથ આફ્રિકાના પૂર્વ કેપ્ટનને યાદ કરાવ્યું કે, એક સમય એવો હતો, જ્યારે ભારત પાસે શ્રીનાથ અને વેંકટેશ પ્રસાદ જેવા મુખ્ય ઝડપી બોલરને ટેકો આપવા માટે ત્રીજો કોઈ બોલર નહોતો. જો તમે ત્રણ કે ચાર સીમર સાથે રમવાનું નક્કી કરો છો, તો હવે તમને એવા લોકો મળશે, જે રમવા માટે તૈયાર છે. વર્ષો પહેલા તમારી ટીમ પાસે શ્રીનાથ અથવા વેંકટેશ પ્રસાદ હતા, પરંતુ તે પછી રિપ્લેસમેન્ટ બોલર એટલે કે ત્રીજો બોલર અથવા બેકઅપ બોલર કોઈ નહોતો. ભારતીય ટીમને આ કારણે ઘણી મુશ્કેલીનો સામનો કરવો પડ્યો હતો."
મહત્વનું છે કે, ભારત પાસે હાલમાં ઝડપી બોલર્સની એક આખી ટુકડી છે, જેમાં ઇશાંત શર્મા, મોહમ્મદ શમી, ભુવનેશ્વર કુમાર અને જસપ્રીત બુમરાહના જેવા દિગ્ગજ બોલર સામેલ છે. ટીમમાં શાર્દુલ ઠાકુર, દિપક ચહર અને નવદીપ સૈની જેવા બોલરની એક સારી બેંચ પણ તૈયાર થઈ રહી છે.
