રાયડુને વર્લ્ડ કપ-2019માં 15 સભ્યોની ટીમમાં રિઝર્વ ખેલાડી તરીકે સામેલ કરવામાં આવ્યો હતો. પરંતુ ભારતીય ખેલાડીઓ શિખર ધવન અને વિજ્ય શંકર ઘાયલ થવા છતાં પણ તક ન મળતા અંબાતી રાયડુએ આંતરરાષ્ટ્રીય ક્રિકેટમાંથી સંન્યાસની જાહેરાત કરી છે. બંને ઈજાગ્રસ્ત ખેલાડીઓના સ્થાને ઋષભ પંત અને મંયક અગ્રવાલને તક આપવામાં આવી હતી.
રાયડુએ ટ્વિટ કર્યુ કે, વર્લ્ડ કપ જોવા માટે 3-D ચશ્માનો એક સેટ આર્ડર કર્યો છે.
રાયડુએ 47.05ની સરેરાશ સાથે 55 વન-ડેમાં કુલ 1,694 રન બનાવ્યા છે. તેમનો સર્વાધિક સ્કોર 124 રહ્યો છે. રાયડૂએ 3 સદી અને 10 અર્ધશતક પણ ફટકારી છે.રાયડુએ 6 T-20 મેચમાં 10.50ની સરેરાશથી માત્ર 42 રન બનાવ્યા હતા.
