- યુસુફ પઠાણ ક્રિકેટમાં આંતરરાષ્ટ્રીય કક્ષા, ઘરેલું કક્ષા અને આઈપીએલ રમ્યો છે
- યુસુફે 2007ની ટી-20 વર્લ્ડ કપની ફાઇનલ પાકિસ્તાન સામે રમી હતી
- ઑલરાઉન્ડર યુસુફ પઠાણે વનડેમાં 57 મેચ રમતા 810 રન બનાવ્યા હતા
હૈદરાબાદ: ભારતીય ટીમનો ઑલરાઉન્ડર યુસુફ પઠાણ ખતરનાક બેટ્સમેન તરીકે ઓળખાય છે. પોતાની ધુંઆધાર ઇનિંગ્સથી ઘણી વખત ભારતીય ટીમને જીત અપાવનાર ઑલરાઉન્ડર યુસુફ પઠાણે ટ્વિટર પર સત્તાવાર નિવેદન જાહેર કરીને નિવૃત્તિની ઘોષણા કરી હતી.
પૂર્ણવિરામ મૂકવાનો સમય આવી ગયો
યુસુફ પઠાણે ટ્વિટર પર એક સત્તાવાર નિવેદનમાં કહ્યું, "મને તે દિવસ હજી યાદ છે, જ્યારે મેં પહેલીવાર ભારતની જર્સી પહેરી હતી, ત્યારે મેં મારા પરિવાર, કોચ, મિત્રો સાથે પણ શેર કરી હતી. " નાનપણથી જ મારું જીવન ક્રિકેટની આજુબાજુ ફરે છે. મેં મારી કારકિર્દીમાં આંતરરાષ્ટ્રીય કક્ષા, ઘરેલું કક્ષા અને આઈપીએલ રમ્યો છું. પરંતુ આજનો દિવસ થોડો જુદો છે. આજે વર્લ્ડ કપ કે આઈપીએલની ફાઇનલ નથી પરંતુ તે એટલું જ મહત્વનું છે. આજે તે સમય આવી ગયો છે કે મારે મારા જીવનની આ પાળી પર પૂર્ણવિરામ મૂકવું પડશે. હું તમામ પ્રકારના સ્પોર્ટ્સ ફોર્મેટ્સથી મારી નિવૃત્તિની સત્તાવાર જાહેરાત કરું છું. તેમણે કહ્યું, "હું મારા કુટુંબ, મિત્રો, ચાહકો, ટીમો, કોચ અને સમગ્ર દેશનો દિલથી ટેકો અને પ્રેમ માટે આભાર માનું છું. મને ખાતરી છે કે તમે ભવિષ્યમાં પણ મને પ્રોત્સાહિત કરશો."
તેંડુલકરને તેના ખભા પર બેસાડ્યો હતો
યુસુફ પઠાણ 2007ની ટી-20 વર્લ્ડ કપ વિજેતા ટીમ અને 2011ની 50 ઓવરની વર્લ્ડ કપ ટીમનો ભાગ હતો. આ ઓલરાઉન્ડરે 2007ની ટી-20 વર્લ્ડ કપની ફાઇનલ પાકિસ્તાન સામે રમી હતી અને તેણે ફાઇનલની પહેલી જ ઓવરમાં મોહમ્મદ આસિફ પર સિક્સર ફટકારી હતી. 2011ના વર્લ્ડ કપ ફાઇનલમાં યુસુફે સચિન તેંડુલકરને તેના ખભા પર બેસાડ્યાં હતાં, કારણ કે વાનખેડે સ્ટેડિયમ ખાતેના યજમાનોએ ફાઇનલમાં શ્રીલંકાને પરાજિત કરીને તેનું પોતાનું બીજું 50 ઓવર વર્લ્ડ કપ ખિતાબ જીત્યો હતો.
ક્રિકેટ એકેડેમી યુસુફ પઠાણ કેન્દ્રનું ઉદ્ઘાટન
ભારતીય ટીમ તરફથી ઑલરાઉન્ડર યુસુફ પઠાણે વનડેમાં 57 મેચ રમતા 810 રન બનાવ્યા હતા. આ દરમિયાન તેણે 33 વિકેટ પણ લીધી હતી. આંતરરાષ્ટ્રીય ટી-20 માં તેણે 22 મેચમાં 236 રન બનાવ્યા છે અને 13 વિકેટ ઝડપી છે. તે જ સમયે, આઈપીએલમાં 174 મેચ રમીને 3204 રન બનાવ્યા અને 42 વિકેટ લીધી હતી. આ સાથે જ તમને જણાવી દઈએ કે ઑલરાઉન્ડર યુસુફ પઠાણનો નાનો ભાઈ ઇરફાન પઠાણ પણ ભારતીય ટીમ તરફથી રમ્યો છે. તેમણે જાન્યુઆરીમાં નિવૃત્તિ જાહેર કરી હતી. તાજેતરમાં, યુસુફ પઠાણે હૈદરાબાદમાં ક્રિકેટ એકેડેમી યુસુફ પઠાણ (સીએપી) ના 26મા કેન્દ્રનું ઉદ્ઘાટન કર્યું હતું. કેપનું લક્ષ્ય શહેરના ઉભરતા ક્રિકેટરોને વર્લ્ડ ક્લાસ કોચિંગ આપવાનું છે.
