શ્રીલંકામાં કોરોનાના વધતા જતા કેસોને કારણે એશિયા કપ રદ્દ કરાયો : શ્રીલંકા ક્રિકેટના CEO ડિસિલ્વા

શ્રીલંકા ક્રિકેટના CEO ઇશલે ડીસિલ્વાએ જણાવ્યું હતું કે, "હાલની પરિસ્થિતિને ધ્યાનમાં રાખીને આ ટૂર્નામેન્ટ જૂનમાં યોજાશે નહીં".

• શ્રીલંકામાં યોજાનાર એશિયા કપ રદ કરવામાં આવ્યો
• વર્તમાન પરિસ્થિતિને ધ્યાનમાં રાખીને ટુર્નામેન્ટ જૂનમાં નહીં યોજાય
• એશિયન ક્રિકેટ કાઉન્સિલની હજી ઔપચારિક જાહેરાત કરવાની બાકી

કોલંબો : કોરોના મહામારીના વધતા જતા કેસોને કારણે બુધવારે પાકિસ્તાનને બદલે શ્રીલંકામાં યોજાનાર એશિયા કપ રદ કરવામાં આવ્યો હતો.

ટૂર્નામેન્ટનું આયોજન કરવું મુશ્કેલ
2018માં છેલ્લી વખત એશિયા કપ જૂનમાં યોજાવાનો હતો. પરંતુ શ્રીલંકા ક્રિકેટના CEO ઇશલે ડીસિલ્વાએ જાહેરાત કરી કે, તેમના માટે આ ટૂર્નામેન્ટનું આયોજન કરવું મુશ્કેલ હતું. ડીસિલ્વાએ જણાવ્યું હતું કે, "વર્તમાન પરિસ્થિતિને ધ્યાનમાં રાખીને આ ટુર્નામેન્ટ જૂનમાં યોજાશે નહીં."

આ ટૂર્નામેન્ટ 2023 વનડે વર્લ્ડ કપ પછી જ શક્ય બનશે

ટૂર્નામેન્ટ પ્રથમ પાકિસ્તાનમાં યોજાવાની હતી. પરંતુ ભારત અને પાકિસ્તાન વચ્ચેના રાજકીય તણાવને કારણે ભારતીય ટીમનું જવું શક્ય ન હતું. તેથી શ્રીલંકામાં યોજવાનુ નક્કી કરવામાં આવ્યું હતું." આ ટૂર્નામેન્ટ 2023 વનડે વર્લ્ડ કપ પછી જ શક્ય બનશે. BCCIના સેક્રેટરી જય શાહના નેતૃત્વ હેઠળની એશિયન ક્રિકેટ કાઉન્સિલની હજી ઔપચારિક જાહેરાત કરવાની બાકી છે.