અમિતાભ બચ્ચન 'બેટી બચાવો, બેટી પઢાઓ' અભિયાનના બ્રાંન્ડ એમ્બેસેડર છે. તાજેતરમાં જ અમિતાભને તેમની સંપત્તિને લઈ સવાલ કરતા તેમણે જણાવ્યું હતું કે મારી સંપત્તિના બે સરખા ભાગ કરવામાં આવશે. જેમાંથી એક અભિષેકનો અને બીજો શ્વેતાનો. આ વર્ષની શરૂઆતમાં અમિતાભે શ્વેતાની પહેલી નવલકથા 'પેરેડાઇઝ ટાવર્સ' વિશે હૃદયસ્પર્શી પોસ્ટ લખી હતી. શ્વેતાની આ નવલકથા બેસ્ટ સેલર રહી હતી.
શ્વેતાની આ સિદ્ધીની પ્રશંસા કરતા અમિતાભે સોશિયલ મીડિયા પર લખ્યું હતું કે ' એક પિતા માટે દિકરીની સિદ્ધી કરતા મોટી ગર્વની વાત શું હોય. દીકરીઓ ખાસ હોય છે પછી તે ઘુંઘટથી લઈ બેસ્ટ સેલર સુધી કેમ ન હોય.' આ પોસ્ટ સાથે અમિતાભે શ્વેતાનો બાળપણનો એક ફોટો પણ શેર કર્યો હતો.
