ઝાયરાની ફિલ્મ ક્ષેત્ર છોડ્યા બાદ તમામ લોકો તેની પર પ્રતિક્રિયા આપી રહ્યાં છે. કેટલાક આ નિર્ણયને યોગય તો કેટલાક તેમનો અંગત નિર્ણય હોવાનું જણાવી રહ્યાં છે. તેની વચ્ચે જાયરાનું એકાઉન્ટ હેક કરી આ પોસ્ટ ઝાયરાએ નહીં પરંતુ હેકરે પોસ્ટ કરી હોવાની અફવા સામે આવી હતી. ત્યારે જાયરાના મેનેજરે સ્પષ્ટ કર્યું છે કે ઝાયરાનું એકાઉન્ટ ન તો કોઈએ હેક કર્યું છે અને ન તો તેઓએ આ નિર્ણય કોઈના દબાણમાં લીધો છે.
ANI અનુસાર "દંગલ ગર્લ" ઝાયરા વસીમનું એકાઉન્ટ હેક થવાના સમાચાર પર તેમના મેનેજર તુહિન મિશ્રાએ કહ્યું કે, "એકાઉન્ટ હેક થયાનું ક્યારેય કહ્યું નથી, પરંતુ શું થયું એ જાણવા માંગુ છુ. તે પોસ્ટ ઝાયરા વસીમે ખુદ કરી છે."
અભિનેત્રી ઝાયરા વસીમે ફક્ત 5 વર્ષની અંદર જ બોલીવૂડની ચમકતી દુનિયાને અલવિદા કહી દીધુ. જ્યાં તેને અઢળક નામના મળી, રૂપિયા અને સંપતિ મળી. તેણે ફેસબુક પોસ્ટ કરી બધાને ચોંકાવી દીધા કે તે હવે ફિલ્મોમાં કામ નહીં કરે. તેનાથી વધુ ચોંકાવનાર ઘટનાએ છે કે તેણે તે માટે ધર્મને કારણ તરીકે દર્શાવ્યુ.
