અનુષ્કાએ કર્યો ખુલાસો, વાસ્તવિક અને નવા ટેલેન્ટ સાથે કામ કરવા માંગતી હતી અભિનેત્રી

અભિનેત્રી અનુષ્કા શર્મા, જેમણે ક્લીન સ્લેટ નામનું પોતાનું પ્રોડક્શન હાઉસ ત્યારે શરૂ કર્યું હતું. જ્યારે તે માત્ર 25 વર્ષની હતી અને તે એ વાત માટે સ્પષ્ટ હતી કે, તે ફિલ્મના બિઝનેસમાં પોતાના ટેલેન્ટને આગળ વધારવા માંગતી હતી.

મુંબઇ: અભિનેત્રી-નિર્માતા અનુષ્કા શર્માએ 2008 માં 'રબ ને બના દી જોડી'થી કોઈ પણ સપોર્ટ વગર બોલીવુડમાં પોતાની કરિયરની શરૂઆત કરી હતી.

તેણે કહ્યું કે તે આ મામલે સ્પષ્ટ હતી કે તેણીના સાહસો દ્વારા વાસ્તવિક ટેલેન્ટને પાછી લાવશે.

અનુષ્કાએ કહ્યું, 'મેં બોલીવુડમાં ખૂબ જ રસપ્રદ પ્રવાસ કર્યો છે. મેં મારી પ્રોડક્શન કંપનીમાં મારા કર્નેશ (મારો ભાઈ) સાથેના મારા અનુભવોથી શીખવાનો પ્રયાસ કર્યો છે. મે મારી પ્રથમ ફિલ્મથી સખત મહેનત કરી હતી અને હું દેશના શ્રેષ્ઠ ફિલ્મ નિર્માતાઓ અને લેખકો સાથે જોડાવાની ઇચ્છા રાખું છું.

તેમણે આગળ કહ્યું, 'જ્યારે હું 25 વર્ષની ઉંમરે નિર્માતા બની ત્યારે મને સ્પષ્ટ હતું કે, હું ટેલેન્ટેડ લોકોને પાછા લાવીશ, જેમણે તેમની પ્રતિભાના બળ પર તેમની ઓળખ બનાવવા માટે ખૂબ મહેનત કરી છે, અને તેમ છતા પણ તેઓ ફિલ્મ ઈન્ડસ્ટ્રીમાં પગ મૂકવાની કોશિશ કરી રહ્યા છે.

અનુષ્કા અને કર્નેશે 'એનએચ 10', 'પરી', 'ફીલૌરી', 'પાતાલ લોક' અને તાજેતરના 'બુલબુલ' જેવા લોકપ્રીય પ્રોજેક્ટ્સ કર્યા છે.