- અભિનેત્રી ઐશ્વર્યા રાય બચ્ચન ફરી એક વાર ફિલ્મી પડદે દેખાશે
- મણિરત્નમની ફિલ્મ પીએસ-1થી ફિલ્મી પડદે કરશે રિએન્ટ્રી
- ઐશ્વર્યાએ ઈન્સ્ટાગ્રામ એકાઉન્ટ પર ફોટો શેર કરી આપી માહિતી
અમદાવાદઃ અભિનેત્રી ઐશ્વર્યા રાય બચ્ચન ફરી એક વાર ફિલ્મી પડદે ધૂમ મચાવવા આવી રહી છે. હાલમાં જ ઐશ્વર્યાએ ઈન્સ્ટાગ્રામ પર એક ફોટો શેર કરીને મોટી જાહેરાત કરી છે કે, તે આગામી ફિલ્મ પીએસ-1માં જોવા મળશે. પીએસ-1 ફિલ્મને પ્રખ્યાત ફિલ્મ નિર્દેશક મણિરત્નમ બનાવી રહ્યા છે. જોકે, ઐશ્વર્યાએ સોમવારે રાત્રે ઈન્સ્ટાગ્રામ પર આ ફિલ્મનું પોસ્ટર શેર કરીને તેના ફેન્સને મોટી ભેટ આપી છે. આ ફિલ્મના પોસ્ટરમાં લખ્યું છે કે, પીએસ-1 પાર્ટ વન આ ફિલ્મનું સંગીત એ. આર. રહેમાન આપશે. આ ફોટો શેર કરતા ઐશ્વર્યાએ કેપ્શનમાં લખ્યું હતું કે, જીવનમાં ગોલ્ડન એરા ફરી આવી રહ્યો છે. મણિરત્નમની પોન્નિયિન સેલ્વન (પીએસ-1).
- " class="align-text-top noRightClick twitterSection" data="
">
ફિલ્મમાં ઐશ્વર્યાની સાથે તમિલ એક્ટર વિક્રમ પણ હશે
પીએસ-1 ઐતિહાસિક ફિલ્મ છે, જે તમિલમાં બનાવવામાં આવી રહી છે. મણિરત્નમની આ ફિલ્મ મદ્રાસ ટોકિઝ બનાવી રહ્યું છે. ફિલ્મમાં તમિલના પ્રખ્યાત એક્ટર વિક્રમ પણ લીડ રોલમાં છે. વિક્રમ અને ઐશ્વર્યા આ પહેલા મણિરત્નમની જ ફિલ્મ રાવણમાં કામ કરી ચૂક્યા છે. રાવણમાં ઐશ્વર્યા રાય બચ્ચન અને અભિષેક બચ્ચનની કારકિર્દીની મહત્વપૂર્ણ ફિલ્મોમાં શામેલ છે. જોકે, છેલ્લા ઘણા સમયથી પીએસ-1માં ઐશ્વર્યા હોવાની ચર્ચા થઈ રહી હતી. જોકે, ઐશ્વર્યાએ હવે આ ચર્ચાને તેના ઈન્સ્ટાગ્રામ પર ફોટો શેર કરીને સાચી સાબિત કરી દીધી છે.
