ટોરોન્ટો: એમ યુનિવર્સિટી ઓફ બ્રિટિશ કોલંબિયાના સંશોધકોએ જણાવ્યું હતું કે, ખગોળશાસ્ત્રીઓની એક આંતરરાષ્ટ્રીય ટીમે શનિની પરિક્રમા કરતા 62 નવા ચંદ્ર શોધી કાઢ્યા છે, જેનાથી ગ્રહની કુલ સંખ્યા 145 થઈ ગઈ છે. સૌરમંડળમાં ચંદ્રોની સંખ્યાની રેસમાં શનિ ફરી એકવાર ગુરુને પાછળ છોડીને પ્રથમ સ્થાને પહોંચી ગયો છે. નવી શોધોનો અર્થ એ છે કે, શનિએ માત્ર સૌથી વધુ જાણીતા ચંદ્રો (ગુરુને પાછળ છોડીને, જેમાં 95 માન્ય ચંદ્રો છે) હોવાનો તાજ પાછો મેળવ્યો નથી, પરંતુ તેની પાસે 100 થી વધુ શોધાયેલ ચંદ્ર છે.
સૌરમંડળના અન્ય તમામ ગ્રહો કરતાં વધુ ચંદ્રો: ગુરુ, જેણે ફેબ્રુઆરીમાં તેના 12 નવા ચંદ્ર ઉમેર્યા છે, તેમાં 95 ચંદ્ર છે જેને આંતરરાષ્ટ્રીય ખગોળીય સંઘ- IUA દ્વારા ઔપચારિક રીતે માન્યતા આપવામાં આવી છે. ગાર્ડિયનના અહેવાલમાં, યુનિવર્સિટી ઓફ બ્રિટિશ કોલંબિયાના એસ્ટ્રોફિઝિસિસ્ટ પ્રોફેસર બ્રેટ ગ્લેડમેને જણાવ્યું હતું કે, શનિએ માત્ર તેના ચંદ્રોની સંખ્યા લગભગ બમણી કરી નથી, પરંતુ હવે સૌરમંડળના અન્ય તમામ ગ્રહો કરતાં વધુ ચંદ્રો છે.
દેવતાઓના આધારે નામો આપવામાં આવશે: શનિના આ નવા ચંદ્રની જાણકારી સંખ્યા અને અક્ષરો દ્વારા આપવામાં આવી છે. બાદમાં તેમને ગેલિક, નોર્સ અને કેનેડિયન ઇન્યુટ દેવતાઓના આધારે નામો આપવામાં આવશે, જેમ કે શનિના ચંદ્રની પરંપરા રહી છે. બધા નવા ચંદ્રો અનિયમિત ચંદ્રોની શ્રેણીમાં આવે છે. એવું માનવામાં આવે છે કે, શરૂઆતમાં તેઓ યજમાન ગ્રહ દ્વારા કબજે કરવામાં આવ્યા હતા. નિયમિત ચંદ્રોની તુલનામાં, અનિયમિત ચંદ્રોની ભ્રમણકક્ષા મોટી, લંબગોળ અને ઢાળવાળી હોય છે. શનિના જાણીતા અનિયમિત ચંદ્રોની સંખ્યા હવે બમણીથી વધીને 121 થઈ ગઈ છે. શનિને 24 નિયમિત ચંદ્રો છે.
આ પણ વાંચો:
