નવી દિલ્હી: ગૂગલે ગૂગલ મેપ્સ (Google Maps) પર ભારત-વિશિષ્ટ ફીચર લોન્ચ કર્યું (India launches special feature on Google Maps) છે, જેમાં યુઝર્સ તેમના ઘરનું 'પ્લસ કોડ એડ્રેસ' (Plus Codes Address) શોધવા માટે તેમના વર્તમાન સ્થાનનો ઉપયોગ કરી શકે છે. 'પ્લસ કોડ્સ' એ ફ્રી, ઓપન સોર્સ ડિજિટલ એડ્રેસ છે જે ચોક્કસ ઔપચારિક સરનામું ન હોય તેવા સ્થળોએ પણ સચોટ માહિતી પ્રદાન કરી શકે છે.
પ્લસ કોડ અક્ષાંશ અને રેખાંશ પર આધારિત છે
શેરી અને વિસ્તારના નામોને બદલે પ્લસ કોડ અક્ષાંશ અને રેખાંશ પર આધારિત છે અને અક્ષરો અને સંખ્યાઓની નાની શ્રેણી તરીકે રજૂ કરવામાં આવે છે. આ રીતે તે યોગ્ય સ્થાને પહોંચી શકાય છે અને તે દુકાનોને શોધવા અને પહોંચવામાં મદદ કરે છે. પ્લસ કોડ્સ 2018માં રજૂ કરવામાં આવ્યા હતા અને ત્યારથી દેશમાં NGO અને સરકારો દ્વારા વ્યાપકપણે અપનાવવામાં આવ્યા છે. ગૂગલ મેપ્સના 'પ્રોડક્ટ મેનેજર' અમાન્ડા બિશપે જણાવ્યું હતું કે, અમે વપરાશકર્તાઓને તેમની રોજિંદી જરૂરિયાતો માટે પ્લસ કોડ એડ્રેસનો સીધો ઉપયોગ કરી શકે તે માટે તેમને સશક્ત બનાવવા માંગીએ છીએ.
ભારતમાં ત્રણ લાખથી વધુ યુઝર્સે પ્લસ કોડ દ્વારા ઘરનું સરનામું શોધી કાઢ્યું
ભારતમાં આ સુવિધા એક મહિના પહેલા શરૂ કરી હતી. આ ખુશીની વાત છે કે, ભારતમાં ત્રણ લાખથી વધુ યુઝર્સે પ્લસ કોડ દ્વારા તેમના ઘરનું સરનામું શોધી કાઢ્યું છે. નિવેદનમાં કહેવામાં આવ્યું છે કે ગૂગલ મેપ્સ પર 'હોમ' લોકેશન સેવ કરીને ભારતમાં યુઝર્સ 'યુઝ યોર કરંટ લોકેશન' ફીચર જોઈ શકશે જેમાં ફોનના લોકેશનનો ઉપયોગ પ્લસ કોડ જનરેટ કરવા માટે કરવામાં આવશે. પછીથી વપરાશકર્તાઓ તેનો ઉપયોગ તેમના ઘરના સરનામા તરીકે કરી શકશે. આ સરનામાઓ પણ શેર કરી શકાય છે. તેમાં કહેવામાં આવ્યું છે કે, હાલમાં આ ફીચર ફક્ત એન્ડ્રોઇડ પર જ ઉપલબ્ધ છે અને બાદમાં તેને IOS પ્લેટફોર્મ પર પણ લાવવામાં આવશે.
આ પણ વાંચો: આઇફોન યુઝર્સ માટે 'Dark Mode' of Google Maps લોન્ચ કરી રહ્યું છે ગૂગલ
સ્થળનો પ્લસ કોડ શોધવો અને શેર કરવો
- તમારા એન્ડ્રોઇડ ફોન અથવા ટેબ્લેટ પર, ગૂગલ મેપ્સ મોબાઇલ વેબ અથવા ગૂગલ મેપ્સ એપ્લિકેશન મેપ્સ ખોલો.
- તમને જેનો પ્લસ કોડ જોઈતો હોય તે સ્થાન શોધો. સ્થળનું નામ 'PIN' કરવા માટે, સ્ક્રીનને ટચ કરો અને પકડી રાખો.
- નીચે લગાવેલ પિન પેનલને ટેપ કરો.
- પ્લસ કોડ લોગોની બાજુમાં, પ્લસ કોડ માટે જુઓ. ઉદાહરણ તરીકે: JJXX+HR8, સિએટલ.
- સ્થાન કોડની કોપી કરવા માટે, પ્લસ કોડ પર ટૅપ કરો.
- સ્થાનની જાણકારી શેર કરવા માટે પ્લસ કોડને તમારા ઇમેઇલ અથવા મેસેજિંગ એપ્લિકેશનમાં પરંપરાગત સરનામાંઓની જેમ જ પેસ્ટ કરો.
આ પણ વાંચો: ગુગલ મેપમાં એડ થયા નવા ટૂલ્સ, હવે તમે પણ કરી શકશો એડિટ
તમે જ્યાં છો તેના માટે પ્લસ કોડ શોધો અને શેર કરો
- તમારા એન્ડ્રોઇડ ફોન અથવા ટેબ્લેટ પર, ગૂગલ મેપ્સ એપ્લિકેશન મેપ્સ ખોલો.
- તમારું વર્તમાન સ્થાન જોવા માટે, વાદળી બિંદુ પર ટૅપ કરો.
- વાદળી સ્ક્રીન ખુલ્યા પછી, તમે વર્તમાન સ્થાનનો પ્લસ કોડ જોશો. ઉદાહરણ તરીકે: JJXX+HR8, સિએટલ.
- સ્થાન કોડની કોપી કરવા માટે, પ્લસ કોડ પર ટૅપ કરો.
- સ્થાનની જાણકારી શેર કરવા માટે પ્લસ કોડને તમારા ઇમેઇલ અથવા મેસેજિંગ એપ્લિકેશનમાં પરંપરાગત સરનામાંઓની જેમ જ પેસ્ટ કરો.
- જો તમે ઑફલાઇન છો, તો તમે વૈશ્વિક પ્લસ કોડ જોઈ શકો છો જેમાં શહેર અથવા નગરનું નામ હશે નહીં. તેના બદલે પ્લસ કોડની શરૂઆતમાં વિસ્તાર કોડ જોડવામાં આવે છે. ઉદાહરણ તરીકે, 9C5M8QQ7+V8.
પ્લસ કોડનો ઉપયોગ કરીને સ્થળ શોધવા માટે:
- તમારા Android ફોન અથવા ટેબ્લેટ પર, ગૂગલ મેપ્સ મોબાઇલ વેબ અથવા ગૂગલ મેપ્સ એપ્લિકેશન મેપ્સ ખોલો.
- ટોચ પર શોધ બોક્સમાં પ્લસ કોડ દાખલ કરો.
- તમે હાલમાં નકશામાં નથી એવા નગર અથવા શહેરને શોધવા માટે: શહેર અથવા નગરનું નામની સાથે પ્લસ કોડ દાખલ કરો. ઉદાહરણ તરીકે: JJXX+HR8 સિએટલ.
- નકશા પર તમે હાલમાં જે નગર અથવા શહેર છો તે શોધવા માટે: ફક્ત 6 અથવા 7 અંકનો પ્લસ કોડ દાખલ કરો. ઉદાહરણ તરીકે જો તમે સિએટલમાં છો તો સીધા JJXX+HR8 શોધો.
