રિયાદઃ સાઉદી અરેબિયાના હજ અને ઉમરાહ મંત્રાલયે નક્કી કર્યું છે કે, આ વર્ષે મક્કામાં હજનું આયોજન કરવામાં આવશે. જો કે, આ સમય દરમિયાન મર્યાદિત લોકોને ધાર્મિક રૂપે મુલાકાત લેવાની મંજૂરી આપવામાં આવશે.
સાઉદી અરેબિયાના હજ અને ઉમરાહ મંત્રાલયે નક્કી કર્યું છે કે, આ વર્ષ (1441 એચ) માટે હજ કરવામાં આવશે. જો કે, સાઉદી અરેબિયામાં પહેલાથી જ રહેતા વિવિધ દેશોના લોકોને ફક્ત હજ પૂરતી જ મંજૂરી આપવામાં આવશે. આ નિર્ણય જાહેર આરોગ્યના અભિગમને ધ્યાનમાં રાખીને લેવામાં આવ્યો છે, જેથી તમામ લોકોને રોગચાળાથી દૂર રાખી શકાય અને સોશ્યિલ ડિસ્ટન્સ જેવા જરૂરી પગલાંને અનુસરી શકાય. આ નિર્ણય મનુષ્યને કોરોના વાઈરસ રોગચાળાથી બચાવવા માટેની સરકારની ઇચ્છાનું પ્રતિબિંબ છે.
સ્ટેટ ટીવીએ હજ અને ઉમરાહ મંત્રાલયને માહિતી આપતા કહ્યું છે કે, દેશમાં પહેલાથી જ રહેતા વિવિધ દેશોના લોકોને હજ કરવાની છૂટ આપવામાં આવશે. જો કે, સરકારે કેટલા લોકોને હજમાં ભાગ લેવાની મંજૂરી આપવામાં આવશે તે અંગે સ્પષ્ટતા કરી નથી. વાર્ષિક તીર્થયાત્રા, જે આ વર્ષે જુલાઇના અંતમાં થશે. સાઉદી અરેબિયાએ 90 વર્ષમાં હજ યાત્રાને ક્યારેય રદ કરી નથી.
