2006-18ના સમયગાળા વચ્ચે એક હજારથી વધુ પત્રકારોની હત્યાઃ યુનેસ્કો

પેરિસઃ દુનિયામા 2006થી 2018 વચ્ચે એક હજારથી વધુ પત્રકારોની હત્યા થઈ હતી. યુનેસ્કોએ તેનો રિપોર્ટ ઈંટેસિફાઈડ અટૈક્સ, ન્યુ ડિફેંસેસ(Intensified Attacks, New Defences) મુજબ પત્રકારોની હત્યા કરનાર આરોપીમાં 90 ટકા આરોપીઓ સજા મળતી નથી. આંતરરાષ્ટ્રીય દિવસના એક દિવસ પહેલા પત્રકારો વિરૂધ્ધ થતા ગુનામાં સજામાંથી મુક્તિ દૂરની વાત કરવામાં આવી હતી.

યુનેસ્કોએ પત્રકારો સામે ગુનાઓ માટે મુક્તિ સમાપ્ત કરવાનો આંતરરાષ્ટ્રીય દિવસના એક દિવસ પહેલા જણાવ્યું કે, છેલ્લા 5 વર્ષમાં પત્રકારોની હત્યામાં 18 ટકાનો વધારો થયો છે. દર બે વર્ષે 2 નવેમ્બરના રોજ પત્રકારો સામે ગુનાઓ માટે મુક્તિ સમાપ્ત કરવાનો આંતરરાષ્ટ્રીય દિવસ 2019(International Day to End Impunity for Crimes Against Journalists 2019) ઉજવવામાં આવે છે.

આ રિપોર્ટમાં એમ પણ જણાવ્યું છે કે, છેલ્લા 2 વર્ષમાં પત્રકારોની હત્યાઓમાંથી 55 ટકા હત્યાઓ નોન કૉનફ્લિટ ઍરિયામાં થઈ છે. આ હત્યાઓ પત્રકારો સામે બદલાની વૃતિ સુચવે છે. જેમાં મોટા ભાગે રાજનીતિ, ગુનાઓ અને ભ્રષ્ટાચાર પર રિપોર્ટિંગના કારણે નિશાન બનાવાય છે.

યુનેસ્કોના મહાનિર્દેશક ઑડ્રે અજોલેએ જણાવ્યું કે, પત્રકારોની હત્યા માટે, એ દરેક વ્યક્તિ જવાબદાર છે, જે પત્રકારોને જોખમમાં મુકે છે, જે પત્રકારોની હત્યા કરે છે, એ દરેક જે હિંસા કરે છે, અને એ જેઓ જે હિંસા રોકવા કઈ કરતા નથી. એક પત્રકારના જીવનનો અંત સત્યની શોધનો અંત ના હોવો જોઈએ.

યુનેસ્કોએ 'કીપ ટ્રુથ અલાઈવ.કૉ' નામના સોશિયલ મિડિયા અભિયાનની જાહેરાત પણ કરી હતી. આ અભિયાનમાં સ્થાનિક વિસ્તારમાં આવનારા જોખમ અંગે સાવચેત કરે છે. માર્યા ગયેલા પત્રકારોમાંથી 93 ટકા પત્રકારો સ્થાનીક હોય છે.