બ્રિટનના વડાપ્રધાન 'થેરેસા મે' જૂનમાં આપશે રાજીનામું

લંડન: બ્રિટનના વડાપ્રધાન તરીકે ફરજ બજાવી રહેલા થેરેસા મે ટૂંક સમયમાં વડાપ્રધાનપદ પરથી રાજીનામું આપશે. થેરેસા મેએ કન્ઝર્વેટીવ પાર્ટીના નેતાના રૂપમાં રાજીનામું આપવા માટે સહમતિ દર્શાવી છે. થેરેસાના રાજીનામા પછી તરત જ ડ્રાઉનિંગ સ્ટ્રીટ પર એક નવા નેતા માટે માર્ગ મોકળો બનશે.

રાજીનામા બાબતે વડાપ્રધાન થેરેસા મેએ જાહેર કર્યુ હતું કે, હું જૂનની શરૂઆતમાં બ્રેક્ઝિટ ડીલને જાહેર કરીને રાજીનામું આપીશ. થેરેસા મે વિવાદિત બ્રેક્ઝિટ વિડ્રોલ એગ્રીમેન્ટ 3 જૂનના રોજ સંસદમાં રજૂ કરશે. બ્રેક્ઝિટ ડીલને અગાઉ 3 વખત બ્રિટનની સંસદમાં હારનો સામનો કરવો પડ્યો છે.

બ્રિટિશ સંસદમાં બ્રેક્ઝિટ ડીલને 3 વખત ફગાવી દેવામાં આવ્યુ છે. ચોથી વખત બ્રિટીશ સંસદમાં સાંસદોની સામે 3 જૂને રજૂ કરવામાં આવશે. આ દરમિયાન અમેરિકાના રાષ્ટ્રપતિ ડોનાલ્ડ ટ્રમ્પ બ્રિટનના પ્રવાસે આવી રહ્યા છે. સરકારી સૂત્રોના અનુસાર, ગરમીની રજા પહેલા બ્રિટનના લિડરશીપમાં પરિવર્તન આવશે. બોરિસ જોનસનએ પોતાને સંભવિત લીડર તરીકે પ્રસ્થાપિત કર્યા છે.