- અફઘાનના વિદેશ પ્રધાન મોહમ્મદ હનીફ સોમવારે નવી દિલ્હી પહોંચ્યા
- બંને વિદેશ પ્રધાનોએ અફઘાનિસ્તાનમાં શાંતિ પ્રક્રિયા પર ધ્યાન કેન્દ્રિત કર્યું
- અફઘાનિસ્તાન શાંતિ વાર્તાઓ પર ક્ષેત્રીય અને આંતરરાષ્ટ્રીય સ્તર પર સર્વસંમતિ બનાવવા પ્રયાસ
આ પણ વાંચોઃ ઓહ... વિશ્વમાં સૌથી શક્તિશાળી સેના ચીનની છેઃ રિસર્ચ
નવી દિલ્હીઃ વિદેશ પ્રધાન એસ. જયશંકરે સોમવારે અફઘાનિસ્તાનના વિદેશ પ્રધાન મોહમ્મદ હનીફ અતમાર સાથે વ્યાપક મામલાઓ અંગે ચર્ચા કરી હતી, જેમાં અફઘાનિસ્તાનમાં શાંતિ પ્રક્રિયા પર ધ્યાન કેન્દ્રિત કરવામાં આવ્યું હતું. અફઘાનિસ્તાન શાંતિ વાર્તાઓ પર ક્ષેત્રીય અને આંતરરાષ્ટ્રીય સ્તર પર સર્વસંમતિ બનાવવાના પ્રયાસ થઈ રહ્યો છે. જયશંકર અને અતમારે સુરક્ષા સહયોગને મજબૂત કરવા, ક્ષેત્રીય સંપર્ક સુવિધાઓ અને વેપાર અને રોકાણને વધારવા સહિતના અગત્યના મુદ્દાઓ પર ચર્ચા થઈ હતી. અફઘાનિસ્તાનમાં શાંતિ પ્રક્રિયાને તેજ કરવાના નવા પ્રયાસોની પૃષ્ઠભૂમિમાં અતમાર ભારતની ત્રણ દિવસીય યાત્રા પર સોમવારે નવી દિલ્હી પહોંચ્યા છે.
આ પણ વાંચોઃ અમેરિકા નવા એજન્ડાના માર્ગ પર
દ્વિપક્ષીય સહયોગ અને વિકાસ સંબંધિત ભાગીદારી અંગે પણ વાતચીત થઈઃ જયશંકર
વિદેશ પ્રધાન જયશંકરે ટ્વિટ કરી જણાવ્યું કે, અફઘાનિસ્તાનના વિદેશ પ્રધાન એમ હનીફ અતમારનું સ્વાગત છે. શાંતિ પ્રક્રિયા પર વિસ્તૃત વાર્તા થઈ. અમારા દ્વિપક્ષીય સહયોગ અને વિકાસ સંબંધિત ભાગીદારી અંગે પણ વાતચીત થઈ હતી. વિદેશ મંત્રાલયના પ્રવક્તા અરવિંદ બાગચીએ જણાવ્યું કે, એસ. જયશંકરે અફઘાનિસ્તાનના પોતાના લોકોની ઈચ્છાનું સન્માન કરનારા સમૃદ્ધ સૈવેધાનિક લોકતાંત્રિક, શાંતિપૂર્ણ અને એકજૂટ દેશ બનાવવાની દિશામાં ભારતની દીર્ઘકાલીન પ્રતિબદ્ધતા પર ભાર મુકાયો.
