નવી દિલ્હી: તમિલનાડુના થૂથુકુડીમાં તાંબુ ગાળવાના પ્લાન્ટને ફરીથી ખોલવાની માંગ કરતી વેદાંતા ગ્રૂપની સમીક્ષા અરજી સુપ્રીમ કોર્ટે ફગાવી દીધી છે. આ વર્ષે ફેબ્રુઆરીમાં સુપ્રીમ કોર્ટે આ જ કેસમાં વેદાંતાની અરજી ફગાવી દીધી હતી. તમને જણાવી દઈએ કે, પ્રદૂષણ સંબંધિત ચિંતાઓને કારણે પ્લાન્ટ મે 2018થી બંધ છે. સુપ્રીમ કોર્ટે ફેબ્રુઆરીમાં કહ્યું હતું કે, વિસ્તારના રહેવાસીઓનું સ્વાસ્થ્ય અને કલ્યાણ ફરીથી અત્યંત ચિંતાનો વિષય છે.
મુખ્ય ન્યાયાધીશ ડી.વાય. ચંદ્રચુડ (હવે સેવાનિવૃત્ત) ની અધ્યક્ષતાવાળી અને ન્યાયમૂર્તિ જે.બી. પારડીવાલા અને મનોજ મિશ્રાની બનેલી બેન્ચે ખુલ્લી અદાલતમાં સમીક્ષા અરજીને સૂચિબદ્ધ કરવા માટેની વેદાંતાની અરજીને પણ નકારી કાઢી હતી. ખંડપીઠે 22 ઓક્ટોબરે પોતાના આદેશમાં જણાવ્યું કે, "સમીક્ષા અરજીઓ પર ધ્યાન આપ્યા પછી, રેકોર્ડમાં કોઈ ભૂલ દેખાતી નથી. સુપ્રીમ કોર્ટના નિયમો, 2013 ના આદેશ XLVII નિયમ 1 હેઠળ સમીક્ષા માટે કોઈ કેસ સ્થાપિત કરવામાં આવ્યો નથી," એટલે સમીક્ષા અરજીઓ ફગાવી દેવામાં આવી છે. આ આદેશ તાજેતરમાં સુપ્રીમ કોર્ટની વેબસાઈટ પર અપલોડ કરવામાં આવ્યો હતો.
કથિત પ્રદૂષણના કારણે વિરોધ પ્રદર્શનને દબાવી દેવા માટે પોલીસ દ્વારા કરાયેલી ગોળીબારીમાં 13 લોકોની મોત થઇ હતી. ત્યાર બાદ થૂથુકડીમાં તાંબુ ગાળવાના પ્લાન્ટ મે 2018થી બંધ છે.
ફેબ્રુઆરીમાં, સુપ્રીમ કોર્ટે કહ્યું હતું કે, ઉદ્યોગને બંધ કરવો એ નિઃશંકપણે પ્રથમ પસંદગીની બાબત નથી અને ઉલ્લંઘનની વારંવાર પ્રકૃતિ, ઉલ્લંઘનની ગંભીરતા સાથે આ વિશ્વેષણમાં ન તો વૈધાનિક અધિકારીઓ અને ન તો હાઇકોર્ટને અન્ય કોઇ અભિગમ અપનાવવા માટે છોડી દીધો છે, જ્યાં સુધી તેઓ પોતાની ફરજથી અજાણ હોય.
આ પણ વાંચો:
