મુંબઈઃ 'પ્યાર કા પંચનામા' ફેમ અભિનેત્રી સોનાલી સહગલ આજે તારીખ 7 જૂને લગ્ન કરી રહી છે. અભિનેત્રીના લગ્નના સમાચાર આજે સવારથી જ સોશિયલ મીડિયા પર ખૂબ જ ફેલાઈ રહ્યા હતા. જેવી સોનાલી ગુલાબી સાડીમાં દુલ્હનના વેશમાં લગ્ન સ્થળ પર પહોંચી કે તરત જ તેના ચાહકોના ચહેરા ચમકી ઉઠ્યા હતા. હવે સોનાલી સેહગલના લગ્નની તસવીરો અને વીડિયો સોશિયલ મીડિયા પર ખૂબ વાયરલ થઈ રહ્યા છે.
સોનાલી સેહગલના લગ્ન: અગાઉ સમાચાર મળ્યા હતા કે, 34 વર્ષની ઉંમરે સોનાલી સેહગલ લગ્ન કરવા જઈ રહી છે. પરંતુ આ લગ્ન અંગે પુષ્ટી થઈ ન હતી. હાલ લગ્ન અંગેની તસવીર સેહગલે સોશિયલ મીડિયા પર શેર કરી છે. આ તસવીર શેર કરીને અભિનેત્રીએ લખ્યું છે કે, 'સબ્ર અને શુક્ર'. ચાહકો અભિનંદન પાઠવી રહ્યાં છે. આ લગ્નમાં સોનાલીની ખાસ મિત્ર અને ટીવી એક્ટ્રેસ શમા સિકંદર પણ ખૂબ જ સુંદર પોશાક પહેરીને પહોંચી હતી.
સેલેબ્સે હાજરી આપી: હવે એક્ટ્રેસના ફેન્સ તેના વેડિંગ લૂક પર પણ સુંદર કોમેન્ટ્સ કરી રહ્યા છે. સોનાલી સહગલ બુધવારે મુંબઈના સાંતાક્રુઝ વેસ્ટમાં ગુરુદ્વારામાં બિઝનેસમેન આશિષ સજનાની સાથે લગ્ન કરી રહી છે. આ લગ્નમાં સેલેબ્સ ગેસ્ટનું આગમન શરૂ થઈ ગયું છે. અહીં મંદિરા બેદી, શમા સિકંદર, કરણ વી ગ્રોવર, લક્ષ્મી રાય સહિત ઘણા ટીવી કલાકારો લગ્નમાં હાજર છે અને ત્યાંથી સુંદર તસવીરો અને વીડિયો શેર કરી રહ્યાં છે.
અભિનેત્રીનો શાનદાર લુક: આ લગ્નમાં મોટાભાગના સેલેબ્સ વ્હાઈટ એથનિક પોશાકમાં જોવા મળી રહ્યા છે. 'પ્યાર કા પંચનામા' ફેમ અભિનેત્રી સોનાલીએ તેના લગ્ન માટે લહેંગા પસંદ કરતી વખતે ગુલાબી રંગની સાડી પહેરી હતી. સોનાલીએ આ ગુલાબી લગ્નની જોડીને સિલ્વર કલરના કલિરે અને સિલ્વર-ડાયમંડ જ્વેલરીથી શણગારી છે. આ સાથે અભિનેત્રીએ પોતાના પાલતુ કૂતરા સાથે વેડિંગ વેન્યુમાં ગ્રાન્ડ એન્ટ્રી લીધી છે.
