હૈદરાબાદ: બોલિવુડની ક્વીન કંગના રનૌત આ વર્ષે તેની બે ફિલ્મો 'ઈમરજન્સી' અને 'તેજસ'થી ધૂમ મચાવી રહી છે. કંગના રનૌત એક પછી એક મોટી નવી ફિલ્મો લઈને આવી રહી છે. હાલમાં જ કંગનાના પ્રોડક્શન હાઉસમાં બનેલી ફિલ્મ 'ટીકુ વેડ્સ શેરુ' રિલીઝ થઈ છે, જેને દર્શકોએ ખૂબ પસંદ કરી હતી. આ પહેલા પણ કંગનાએ તેની પોલિટિકલ ડ્રામા ફિલ્મ 'ઈમરજન્સી'ની રિલીઝ ડેટ જાહેર કરી હતી. 'ઈમરજન્સી'ની રિલીઝ ડેટ તારીખ 24 જૂને જાહેર કરવામાં આવી હતી.
તેજસની રિલીઝ ડેટ: તારીખ 25 જૂન 1975ના રોજ દેશમાં કટોકટી આવી હતી. કંગનાની ફિલ્મ આના પર આધારિત છે અને હવે કંગનાએ તેની બહુપ્રતિક્ષિત ફિલ્મ 'તેજસ'ની રિલીઝ ડેટ પણ જાહેર કરી છે. આ ફિલ્મ પણ આ વર્ષે રિલીઝ થશે. જાણો કંગના રનૌતની ફિલ્મ 'તેજસ' ક્યારે રિલીઝ થશે. કંગના રનૌતની ફિલ્મ 'તેજસ' ચાલુ વર્ષની તારીખ 20 ઓક્ટોબરે રિલીઝ થશે. ટાઈગર શ્રોફની ફિલ્મ 'ગણપત-પાર્ટ 1' પણ આ દિવસે રિલીઝ થશે. તેજસ ફિલ્મનું નિર્દેશન સર્વેશ મેવારાએ કર્યું છે. રોની સ્ક્રુવાલા આ ફિલ્મના નિર્માતા છે. આ ફિલ્મમાં કંગના રનૌત એરફોર્સ પાયલોટના રોલમાં જોવા મળશે.
ઈમરજન્સી રિલીઝ ડેટ: કંગના રનૌતની પોલિટિકલ ડ્રામા ફિલ્મ 'ઈમરજન્સી' પણ આ વર્ષે રિલીઝ થશે. 'તેજસ'ની રિલીઝના એક મહિના પછી તારીખ 24 નવેમ્બર 2023ના રોજ ફિલ્મ ઈમરજન્સી રિલીઝ થશે. કંગના રનૌત ફિલ્મ 'ઈમરજન્સી'માં પૂર્વ વડાપ્રધાન ઈન્દિરા ગાંધીની ભૂમિકા ભજવશે. આ ફિલ્મમાં દિવંગત અભિનેતા સતીશ કૌશિક પણ જોવા મળશે. તેમની સાથે અનુપમ ખેર અને મહિમા ચૌધરી પણ મહત્વની ભૂમિકામાં જોવા મળશે.
