હૈદરાબાદ: એક્શન ફિલ્મના દિગ્દર્શક રોહિત શેટ્ટીની ફિલ્મ 'સર્કસ'નું ટ્રેલર તારીખ 2 ડિસેમ્બર (શુક્રવાર)ના રોજ રિલીઝ કરવામાં આવ્યું (Cirkus Trailer release) છે. આના 4 દિવસ પહેલા ફિલ્મનું એક ફની ટીઝર રિલીઝ થયું હતું. જેમાં ફિલ્મની અડધાથી વધુ સ્ટારકાસ્ટ સામે આવી છે. ટીઝરની સાથે ફિલ્મનું ટ્રેલર ક્યારે રિલીઝ થશે. તેની પણ માહિતી આપવામાં આવી હતી. રણવીર સિંહ, પૂજા હેગડે અને જેકલીન ફર્નાન્ડિસ સહિતના સ્ટાર્સથી સજેલી આ કોમેડી ડ્રામા ફિલ્મ તારીખ 23 ડિસેમ્બરના રોજ રિલીઝ થઈ રહી (Ranveer Singh Cirkus Trailer) છે.
- " class="align-text-top noRightClick twitterSection" data="">
કેવું છે ટ્રેલર: ફિલ્મ 'સર્કસ'નું 3.38 મિનિટનું ટ્રેલર કન્ફ્યુઝનથી ભરેલું છે. આખા ટ્રેલરમાં રણવીર સિંહનો ડબલ રોલ તમામ પાત્રોને પરેશાન કરતો જોવા મળી રહ્યો છે. ટ્રેલરને ઘણું સજાવવામાં આવ્યું છે, જેમાં 60ના દાયકાનો નજારો પણ જોવા મળી રહ્યો છે. ટ્રેલરમાં કલાકારોની એટલી ભીડ જોવા મળી રહી છે કે આને જોયા બાદ મોઢામાંથી એક જ શબ્દ નીકળે છે, આ ફેમિલી છે કે સર્કસ. આખા ટ્રેલરમાં બેકગ્રાઉન્ડમાં 'કરન્ટ લગા' ગીત વાગી રહ્યું છે અને અંતે દીપિકા પાદુકોણની એન્ટ્રી તેના ચાહકોને ઈલેક્ટ્રોક્યુટ કરી દેશે. હા, રોહિત દ્વારા નિર્દેશિત ફિલ્મ સર્કસમાં દીપિકા પાદુકોણ પણ જોવા મળશે.
કેવું હતું ટીઝર: ફિલ્મના ડાયરેક્ટર રોહિત શેટ્ટીએ ફિલ્મનું ટીઝર રિલીઝ કર્યું છે, જેમાં ફિલ્મના તમામ પાત્રો ફિલ્મની વાર્તા વિશે જણાવી રહ્યા છે. આ પાત્રો અનુસાર, ફિલ્મની વાર્તા સોશિયલ મીડિયા યુગ પહેલાની છે, જ્યાં મોબાઈલ અને સોશિયલ મીડિયા જેવી કોઈ વસ્તુ ન હતી. આ ટીઝર સાથે કહેવામાં આવ્યું છે કે, ફિલ્મનું ટ્રેલર તારીખ 2 ડિસેમ્બરે રિલીઝ થવાનું છે.
ફિલ્મની મુખ્ય સ્ટાર કાસ્ટ: ફિલ્મની સ્ટોરી અનુસાર ફિલ્મમાં રણવીર સિંહનો ડબલ રોલ છે. રણવીરની સામે અભિનેત્રી પૂજા હેગડે અને જેકલીન ફર્નાન્ડિસ મહત્વની ભૂમિકામાં છે. આ પહેલા રોહિત શેટ્ટીએ ફિલ્મનું મોશન પોસ્ટર શેર કરીને સર્કસના સમગ્ર પરિવારનો પરિચય કરાવ્યો હતો. આ ફિલ્મ ક્રિસમસના અવસર પર તારીખ 23મી ડિસેમ્બરે રિલીઝ થવા જઈ રહી છે.
રણવીર સિંહનો વર્કફ્રન્ટ: આ પહેલા રણવીર સિંહ ફિલ્મ 'જયેશભાઈ જોરદાર'માં જોવા મળ્યો હતો. આ ફિલ્મ બોક્સ ઓફિસ પર ફ્લોપ સાબિત થઈ હતી. આ ફિલ્મ બાદ હવે રણવીર સિંહને ફિલ્મ સર્કસ પાસેથી ઘણી અપેક્ષાઓ છે. આ પહેલા રણવીર અને રોહિતની જોડી ફિલ્મ 'સિમ્બા'માં જોવા મળી હતી. જે હિટ ફિલ્મ સાબિત થઈ હતી.
