મુંબઈઃ બોલિવૂડનો બાદશાહ શાહરૂખ ખાન ફરી એકવાર બોલિવૂડમાં 'ફેમસ' થઈ ગયો છે. પઠાણથી બોલિવૂડમાં ધમાકેદાર 4 વર્ષ બાદ ફરી એકવાર ફિલ્મ ઈન્ડસ્ટ્રીમાં તેનો સિક્કો ચાલ્યો છે. આ દિવસોમાં બોલિવૂડ સ્ટાર્સ દેશના સૌથી ધનાઢ્ય ઉદ્યોગપતિ મુકેશ અંબાણીના નીતા-મુકેશ અંબાણી કલ્ચરલ સેન્ટર ઇવેન્ટમાં હાજરી આપવાના સમાચારમાં છે. અહીં બોલિવૂડના તમામ સ્ટાર્સનો મેળાવડો હતો અને સમગ્ર મુંબઈમાં ભારે ઉત્તેજના જોવા મળી હતી.
આ પણ વાંચો: Shweta Tiwari: શ્વેતા તિવારીની તસવીર જોઈ દિલ બોલી ઉઠશે વન્ડરફુલ, નિહાળો અભિનેત્રીની સુંદરતા
શાહરુખે કર્યો ડાન્સ: શાહરૂખ ખાન તેના સમગ્ર પરિવાર સાથે આ ઇવેન્ટમાં પહોંચ્યો હતો. શાહરૂખ ખાન, ગૌરી ખાન, આર્યન ખાન અને સુહાના ખાને જોરદાર રીતે અહીં પોતાનું ગ્લેમર બતાવ્યું હતું. અહીં શાહરૂખ ખાને તેની બ્લોકબસ્ટર ફિલ્મ 'પઠાણ'ના હિટ ગીત 'ઝૂમ જો પઠાણ' પર ડાન્સ પણ કર્યો હતો. પઠાણનો ડાન્સ કરતો વીડિયો સોશિયલ મીડિયા પર ખુબજ ઝડપથી વાયરલ થઈ રહ્યો છે.
આર્યને આપી પ્રિતિક્રિયા: પહેલા અમેરિકન સુપર મોડલ ગીગી હદીદ અને હવે શાહરૂખ ખાનના પુત્ર આર્યન ખાને પોતે આ ડાન્સ પર પોતાની શાનદાર પ્રતિક્રિયા આપી છે. સોશિયલ મીડિયા પર વાયરલ થઈ રહેલા વીડિયોમાં તમે જોઈ શકો છો કે, આર્યન ખાન તેના પિતાને 'ઝૂમે જો પઠાણ' ગીત પર ડાન્સ કરતા જોઈને ખૂબ જ ક્યૂટ રિએક્શન આપી રહ્યો છે. કિંગ ખાનનો ડાન્સ કરતો વીડિયો અભિનેતાના ચાહકના અકાઉન્ટ પર શેર કરવામાં આવ્યો છે.
આ પણ વાંચો: Raveena Tandon Ujjain: રવિના ટંડન મહાકાલના ધામમાં, ભોલેનાથની ભક્તિમાં થયા લીન
ઈવેન્ટમાં વિદેશી સેલિબ્રિટી: આ પહેલા અમેરિકન મોડલ ગીગી હદીદે શાહરૂખ ખાનના ડાન્સને બેસ્ટ ગણાવ્યો હતો અને તેને પસંદ પણ કર્યો હતો. આ વીડિયો પણ સોશિયલ મીડિયા પર અહીંથી ત્યાં સુધી ફરતો થઈ રહ્યો છે. આ ઈવેન્ટમાં ઘણી વિદેશી સેલિબ્રિટીઓએ પણ ભાગ લીધો હતો. જેમાં સ્પાઈડરમેન ફેમ ટોમ હોલેન્ડ કથિત ગર્લફ્રેન્ડ ઝેન્ડાયા સાથે આ ઈવેન્ટમાં આવ્યા હતા.
