સોસાયટીમાં પાર્ક કરેલા બે વાહનોની થઈ ચોરી
તસ્કરો સીસીટીવીમાં વાહનો ઊંચકી જતા કેદ થયા
પોલીસે અજાણ્યા તસ્કરોની શોધખોળ આરંભી
વડોદરા : ડભોઇ પંથકમાં છેલ્લા કેટલાક સમયથી ચોરીઓના બનાવો વધી રહ્યા છે.ત્યારે ગતરાત્રીના ડભોઇ મહુડી ભાગોળ વિસ્તાર બહાર આવેલ જોહરાપાર્ક માંથી એક એકટીવા અને એક બાઇકની ચોરી થઈ હોવાની ફરીયાદ સામે આવી હતી.
તસ્કરો ચોરી કરતાં સીસીટીવીમાં કેદ
ડભોઇ પંથકમાં વધતાં ચોરીના બનાવોમાં અવારનવાર સી.સી.ટી.વીમાં ચોરો કેદ થતાં હોય છે.પોલીસ દ્વારા હજી સુધી તેઓને ઝડપી પાડવા નક્કર પગલાં ભરવામાં ન આવતાં હોવાનું લોકોમાં ચર્ચાો છે. અજાણ્યા શખ્સો ચોરી માટે સોસાયટીમાં પ્રવેશ્યા હતા. ઘર આંગણે રાખેલું એક એકટીવાને ઉંચકી ફરાર થયા હતા.એકટીવા લઈ જતાં ત્રણ ઇસમો એક સી.સી.ટી.વી.કેમેરામાં કેદ થયા હતા.જે અંગે ડભોઇ પોલીસ દ્વારા હાલ તો સી.સી.ટી.વી. ફૂટેજના આધારે ચોર ટોળકીનું પગેરું મેળવવા ચક્રોગતીમાન કર્યા છે.
