વડોદરામાં ભારે વરસાદ અને પૂરની સ્થિતિ પર નજર કરીએ તો આ વરસાદે પાછલા તમામ વર્ષોના વરસાદના રેકોર્ડ તોડી નાખ્યા છે. વડોદરા શહેરમાં ગઇકાલથી શરૂ થયેલા વરસાદે ઉગ્ર સ્વરૂપ ધારણ કરતા શહેરમાં ઠેર-ઠેર પાણી ભરાઇ ગયા હતાં. ઘરોમાં પાણી ફેલાતા ફર્નિચર તેમજ ઘરના સામાનને નુકસાન થયું છે.
જો કે ભારે વરસાદને પગલે હાલ તંત્ર દ્વારા યુદ્ધના ધોરણે કામ શરૂ કરવામાં આવ્યા છે. શહેરના નીચાણવાળા વિસ્તાર અને કાંઠા વિસ્તારોમાંથી લોકોનું સ્થળાંતર કરવામાં આવ્યું છે. જો કે વડોદરા શહેરના મોટાભાગની બ્રિજને જેમા વિશ્વામિત્રી નદી પરથી પસાર થાય તે તમામ બ્રિજને બંધ કરવામાં આવ્યા છે.
