જાતીય ગુનાઓ સહિત ગંભીર ગુનાઓના કિસ્સામાં પીડિત કે સાક્ષી કોઇપણ દબાણ કે પ્રભાવ વિના જુબાની આપી શકે તેવો ઉદ્દેશ્ય આ સંવેદનશીલ સાક્ષી જુબાની કેન્દ્રનો છે. સાક્ષી અને પીડિતનું આવાગમન ગુપ્ત રાખવામાં આવે છે. આ કેન્દ્રમાં તેમને અભિવ્યક્તિનો પૂરતો માહોલ મળી રહે છે. સાક્ષી અને પીડિત ફ્રી, ફીઅરલેસ અને ઇન્ડિપેન્ડન્ટ રહી શકે છે. આર્ટ ઓફ ટેકનોલોજીનો ઉપયોગ કરી બિનપરંપરાગત રીતે સાક્ષી અને પીડીતોને નિર્ભય વાતાવરણમાં વ્યક્ત કરવા મળશે.
બાળકને પરિચિત તથા મૈત્રીપૂર્ણ માહોલ અનુભવાઇ તેવા વાતાવરણના નિર્માણથી તેની પાસેથી સંબંધિત કેસોની કે જરૂરી વિગતો મેળવવામાં આવશે. જે ગંભીર ગુનાઓના કેસ નિવારણમાં ઉપયોગી થશે. આ ઉપરાંત વિકૃત મનોવૃત્તિવાળા શખ્સોના અકુદરતી આવેગનો ભોગ બનેલા બાળકો નિર્ભયપણે કોર્ટમાં પોતાની જુબાની આપી શકે તે માટે પણ વિશ્ષ વ્યવસ્થઆ શરુ કરવામાં આવી છે. સંવેદનશીલ સાક્ષી જુબાની કેન્દ્રમાં બાળકો માટે નૈસર્ગિક અને સહદ વાતાવરણ ઉભું કરવા માટે જુબાની રુમમાં ટીવી, રમકડા, પુસ્તકોની પણ વ્યવસ્થા કરવામાં આવી છે.
