આઝાદી કા અમૃત મહોત્સવ: વડોદરાના કલાકારે 110 કિલો ફૂલોથી ભારતનો નક્શો તૈયાર કર્યો

આઝાદી કા અમૃત મહોત્સવ અંતર્ગત વડોદરાની શ્રી કૃષ્ણ હિન્દી વિદ્યાલય ખાતે ફૂલોથી ભારતનો નક્શો તૈયાર કરીને દેશના 75માં સ્વાતંત્ર્ય દિવસની ઉજવણી કરવામાં આવી હતી.

• કલાકારે આઝાદી કા અમૃત મહોત્સવ અંતર્ગત ફૂલોથી ભારતનો નકશો તૈયાર કર્યો
• ફૂલોની રંગોળીની લંબાઈ 52 ફૂટ અને પહોળાઈ 38 ફૂટની છે
• ત્રિરંગાના રંગના 110 કિલો વિવિધ ફૂલોની પાંદડીઓથી બનાવી રંગોળી
  
  

વડોદરા: શહેરના કારેલીબાગ વિસ્તારમાં આવેલી શ્રી કૃષ્ણ હિન્દી વિદ્યાલયમાં સ્થાનિક કલાકારે આઝાદી કા અમૃત મહોત્સવ અંતર્ગત ફૂલોથી ભારતનો નકશો તૈયાર કર્યો હતો 52 ફૂટ લંબાઈ અને 38 ફૂટ પહોળાઈ ધરાવતી આ રંગોળીમાં ત્રિરંગાના રંગના 110 કિલો વિવિધ ફૂલોની પાંદડીઓ અને ઝાડની પાંદડીઓનો ઉપયોગ કરવામાં આવ્યો હતો. ઉપયોગથી સુંદર રચના બનાવવાનો પ્રયત્ન શહેરના કલાકાર કિશન શાહે કર્યો હતો.

વડોદરાના કલાકારે 110 કિલો ફૂલોથી ભારતનો નક્શો તૈયાર કર્યો

ફૂલોની સુવાસથી વાતાવરણ મહેકી ઉઠ્યું

ફૂલોની રંગોળી બનાવનારા કલાકાર કિશન શાહે જણાવ્યું હતું કે, ફૂલોથી ભારતનો નક્શો બનાવતાં 8 કલાક જેટલો સમય લાગ્યો હતો. આજે સ્વતંત્રતા દિવસના અવસરે દુનિયા ભારતના ત્રિરંગાનો જલવો લોકોએ જોયો હતો અને ત્રિરંગામાં ઉપયોગમાં લીધેલા વિવિધ સુગંધીત ફુલોથી સંપૂર્ણ વાતાવરણ મહેકી ઉઠ્યું હતું.