સુરત: ઇવેન્ટ મેનેજમેન્ટ ઇન્ડસ્ટ્રી સાથે સંકળાયેલા લોકોએ રાત્રિ કર્ફ્યૂનો અનોખી રીતે વિરોધ નોંધાવ્યો

સુરતમાં ઇવેન્ટ મેનેજમેન્ટ સાથે સંકળાયેલા તમામ લોકોએ અનોખી રીતે વિરોધ નોંધાવી સુરત કલેક્ટરને આવેદનપત્ર પાઠવ્યું હતું. તેમણે 100 જેટલી કારનો ખડકલો કરી સુરત પોલીસ કમિશ્નર કચેરીથી અઠવા ગેટ અને ત્યાંથી સુરત કલેકટર કચેરી સુધી એક જ લાઈનમાં વિવિધ સ્લોગન સાથે કારનો કાફલો દોડાવ્યો હતો અને રાહતની માગ કરી હતી. સુરત શહેર સાઉન્ડ એન્ડ લાઈટ એસોસિએશન, મંડપ એન્ડ ઇલેક્ટ્રોનિક, કેટરિંગ, ફોટોગ્રાફર, આર્ટિસ્ટ, એલ.ઈ.ડી વગેરે ધંધાર્થીઓ આ પ્રદર્શનમાં ઉપસ્થિત રહ્યા હતા.

• લગ્નસરામાં રાત્રિ કર્ફ્યૂને કારણે ઇવેન્ટ મેનેજમેન્ટ સાથે સંકળાયેલા લોકોનો વિરોધ
• 100 કારનો કાફલો દોડાવી અનોખી રીતે વિરોધ

સુરત: કોરોનાના વધતા જતા સંક્રમણને કારણે સુરત શહેરમાં રાત્રિ કર્ફ્યૂ લાગુ કરવામાં આવ્યો હતો જેને લીધે ઇવેન્ટ મેનેજમેન્ટ સાથે સંકળાયેલા લોકો ભારે આર્થિક સંકડામણનો સામનો કરી રહ્યા છે. આ અંગે ગુરૂવારે વિવિધ બેનરો સાથે સુરત શહેર સાઉન્ડ એન્ડ લાઈટ એસોસિએશન, મંડપ એન્ડ ઇલેક્ટ્રોનિક , કેટરિંગ , ફોટોગ્રાફર , આર્ટિસ્ટ, એલ.ઈ.ડી. વગેરેનો વ્યવસાય કરતા લોકોએ એકત્ર થઇ સુરત કલેક્ટરને આવેદનપત્ર પાઠવ્યું હતું.

આર્થિક સહાયની કરી માગ

ઇવેન્ટ મેનેજમેન્ટ સાથે સંકળાયેલા લોકોની રોજગારી પર રાત્રિ કર્ફ્યૂને કારણે અસર પડી છે તેથી તેઓ સરકાર પાસે આર્થિક સહાયની માગ કરી રહ્યા છે. આવેદન આપવા જતા પહેલા તેમણે 100 જેટલી કારનો ખડકલો કરી સુરત પોલીસ કમિશ્નર કચેરીથી અઠવા ગેટ અને ત્યાંથી સુરત કલેકટર કચેરી સુધી એક જ લાઈનમાં વિવિધ સ્લોગન સાથે રસ્તા પર કારનો કાફલો દોડાવ્યો હતો.