સુરત: ડેથ ઇન્ટિમેશન બાબાતે હોસ્પિટલ કરી રહી હતી મનમાની, મનપાએ કરી લાલ આંખ

કોરોનાની સારવાર દરમિયાન મૃત્યુ પામેલા દર્દીઓના સંબંધીઓ પાસે પૂરેપૂરી રકમનું ચૂકવણું નહીં થાય ત્યાં સુધી ઓનલાઇન સર્ટીફીકેટ ઈસ્યુ કરવા માં મનમાની કરનારી સાત હોસ્પિટલોને સુરત મહાનગરપાલિકા દ્વારા નોટિસ ફટકારવામાં આવી છે. આ તમામ હોસ્પિટલો પર આરોપ છે કે પાલિકાના ઓનલાઇન પોર્ટલ પર 21 દિવસમાં મૃતકની એન્ટ્રી નહોતી કરી જેના કારણે સંબંધીઓને રળઝાવ્યાં હતા.

• કોરોના દર્દીઓનુ ડેથ ઇન્ટિમેશન આપવામાં હોસ્પિટલો કરીર રહી છે મનમાની
• દર્દીના પરિજનો ભોગવી રહ્યા છે હાલાકી
• સુરત મનપાએ હોસ્પિટલ સામે કરી લાલા આંખ

સુરત : કોરોના મહામારી સમયે દર્દીઓના પરિવારને બરાબર ખંખેરી લેનાર હોસ્પિટલ સામે અરજી કરીને વધારાના પૈસા પરત મળી શકે એ માટે મનપાએ હોસ્પિટલ કમિટી બનાવી છે, આ કમિટીને મળેલી અરજીઓમાં કેટલી અરજીઓ એવી પણ મળી છે જેમાં કોરોના સારવારનું બિલ સંપૂર્ણ ન ભરી શકાયું હોવાથી હોસ્પિટલોએ કોરોના મૃતકનું ડેથ ઇન્ટિમેશન જ મનપાને આપ્યું નથી. ડેથ ઇન્ટિમેશન એટલે કે દર્દીના મોત અંગેનો જાણકારી જે હોસ્પિટલ દ્વારા મનપાના વેબ પોર્ટલ ઉપર કરવામાં આવતી હોય છે.

પરિવારોને ભોગવવી પડી રહી છે હાલાકી

હોસ્પિટલ દ્વારા નોંધ થઈ ગયા બાદ પરિવારને મનપા સ્ટેટ સર્ટીફીકેટ ઈસ્યુ કરે છે નિયમ મુજબ મૃત્યુના 21 દિવસમાં મનપાને મળી જવી જોઈએ. કેટલી હોસ્પિટલોએ સારવારના બિલો પુરા ભર્યા ન હોવાથી ત્રણ-ચાર મહિનાથી કોરોના મૃતકોની નોંધ મનપામાં કરાવી નથી જેને પગલે પરિવારજનો ને મનપામાં થી મરણના દાખલા મેળવવામાં ભારે હાલાકીનો સામનો કરવો પડી રહ્યો છે.

આ પણ વાંચો : જયપુરના કૃષ્ણા નાગરે ટોક્યો પેરાલિમ્પિક બેડમિન્ટનમાં ગોલ્ડ મેડલ જીત્યો

મનપા દ્વારા કારણદર્શક નોટિસ આપવામાં આવી છે

હોસ્પિટલ કમિટીને મળેલી અરજીઓ અંગે કમિટી સભ્યો એ મ્યુનિસિપલ કમિશનરને જાણ કરતા સાત હોસ્પિટલોને મનપા દ્વારા કારણદર્શક નોટિસ આપવામાં આવી છે જે હોસ્પિટલોને મનપા દ્વારા નોટિસો આપવામાં આવી છે. આ હોસ્પિટલોમાં જૈનબ હોસ્પિટલ અને ધ્વનિ હોસ્પિટલ, અઠવા ઝોનમાં રત્નદીપ હોસ્પિટલ એન્ડ મેડિકલ રિસર્ચ સેન્ટર, વરાછા બી ઝોનમાં જીબી વઘાણી મલ્ટીસ્પેશિયાલીટી હોસ્પિટલ, સેન્ટ્રલ ઝોનની હાલાઈ મેમણ જમાત કેર સેન્ટર અને કતારગામની અનુભવ હોસ્પિટલનો સમાવેશ થાય છે.

આ પણ વાંચો : વડાપ્રધાન નરેન્દ્ર મોદી બન્યા નંબર વન નેતા, જૂઓ અપ્રૂવલ રેટિંગ લીસ્ટ