- નેતાજી સુભાષચંદ્ર બોઝની જન્મજયંતિએ સુરતનું હરિપુરા છવાયું
- આ ગામમાં નેતાજી એક અઠવાડિયું મુકામ કર્યો હતો
- નેતાજીના ટેબલ ખુરશી તમામ વસ્તુઓ આજે પણ એ જ સ્થિતિમાંગુજરાતના હરિપુરા ગામમાં સુભાષ બાબુ એક અઠવાડિયું રહ્યા હતાં
સુરતઃ જિલ્લાના હરિપુરા ગામના એક મકાનમાં સુભાષચંદ્ર બોઝ એક અઠવાડિયા સુધી રહ્યા હતા. આ મકાનની ખાસિયત છે કે અહીં સુભાષચંદ્ર બોઝની સાથે સરદાર વલ્લભભાઈ પટેલ, સરોજિની નાયડુ અને જવાહરલાલ નહેરુ પણ રહ્યા હતા. 1938 વર્ષ ખૂબ જ અગત્યનું હતું. કારણ કે, આ હરિપુરા ગામમાં અધિવેશનમાં રાષ્ટ્રીય કોંગ્રેસના અધ્યક્ષ તરીકે નેતાજીની વરણી કરાઈ હતી. અધ્યક્ષ બનવાના સમયે તેઓ આ ગામના મકાનમાં રહી તમામ રણનીતિઓ તૈયાર કરી રહ્યા હતા. તેમના મગજમાં ચાલી રહ્યું હતું કે અંગ્રેજોના શાસનને કઈ રીતે દેશથી ઉખાડી શકાય, જ્યારે આ મકાનમાં તેઓ રહ્યાં હતાં ત્યારે જે સામગ્રી હતી તે તમામ સામગ્રી આજદિન સુધી યથાસ્થિતિમાં જોવા મળે છે. ટેબલ ખુરશી તમામ વસ્તુઓ આજે પણ એ જ સ્થિતિમાં છે. જેમાં વર્ષો જૂનો પાણીનો કૂવો, ગમાણ વગેરે બધું જ યથાસ્થિતિ જળવાયું છે.
સુભાષચંદ્ર બોઝને આજે પણ ગામના લોકો ભૂલી શકતા નથી
જ્યારે સુભાષ ચંદ્ર બોઝ અહીં રહ્યા હતા. 1938માં આ ગામમાં આવેલા સુભાષચંદ્ર બોઝ અને આજે પણ ગામના લોકો ભૂલી શકતા નથી. આ મકાન આજે પણ તેમના જવા પછી ખાલી છે. ગામના કોઈપણ લોકો આ મકાનમાં રહેતા નથી.
