સુરત: ગત 26 જાન્યુઆરીના રોજ રાત્રે 11 વાગ્યા આસપાસ કેટલાક અસામાજીક તત્વો ગોડાદરા વિસ્તારમાં આવેલા શ્રીજી આર્કેડમાં ચાઈનીઝ ફાસ્ટફૂડની લારી પર નાસ્તો કરવા આવ્યા હતા. નાસ્તો કર્યા બાદ દુકાનદારે તેમની પાસે પૈસા માગ્યા હતા. જેથી ઉશ્કેરાયેલા લોકોએ દુકાનદારને અપશબ્દો કહ્યા હતાં અને બાદમાં તેને ઢોર માર માર્યો હતો. આ સમગ્ર ઘટના CCTVમાં કેદ થઈ હતી.
નાસ્તાના પૈસા બાબતે થયેલા વિવાદમાં અસામાજિક તત્વોએ દુકાનદારને માર માર્યો
ઘટનાની જાણ લિંબાયત પોલીસને થતાં પોલીસ ઘટના સ્થળે દોડી આવી હતી અને ઈજાગ્રસ્ત દુકાનદાર ભાર્ગવ ચૌધરીને સારવાર અર્થે હોસ્પિટલ ખસેડવામાં આવ્યો હતો. બાદમાં તેને વધુ સારવાર માટે કિરણ હોસ્પિટલ ખસેડવામાં આવ્યો હતો. જ્યાં તેની હાલત નાજુક જણાવવામાં આવી રહી છે.
