સુરતમાં સામે આવી માનવ તસ્કરીની ઘટના, ઝારખંડની 5 સગીરા સહિત 30 યુવતી મુક્ત કરાઈ

ઝારખંડમાં એક ફરિયાદ દાખલ કરવામાં આવી છે. આ ફરિયાદમાં જણાવવામાં આવ્યું છે કે, ઝારખંડથી સુરતના પલસાણા ખાતે 30 જેટલી યુવતીઓને માનવ તસ્કરી હેઠળ લાવવામાં આવી છે. આ ફરિયાદના આધારે સુરત પોલીસે પલસાણા ખાતેની મીંઢોળા ફૂડ ફેકટરીમાં તપાસ હાથ ધરી હતી. જ્યાંથી ઝારખંડની 30 જેટલી યુવતી મળી આવી છે.

સુરતઃ ઝારખંડની મંજૂદેવી સિલાઈ કામ અપાવવાના બહાને 30 જેટલી યુવતીઓને છેતરીને ગુજરાત લાવી હતી. આ મહિલાએ તમામ યુવતીઓને સુરતના પલસાણા પોલીસ સ્ટેશન હદ વિસ્તારમાં ચાલતી મીંઢોળા ફૂડ ફેકટરીમાં કામ કરવા લઈ આવી હતી. આ 30 યુવતીઓમાં 5 સગીર વયની કિશોરીઓ અને 25 યુવતી પુખ્ત વયની છે.

ઝારખંડમાં નોંધાયેલી ફરિયાદના આધારે પોલીસે ફેક્ટરીમાંથી તમામ 30 યુવતીઓને છોડાવી નારી સુરક્ષા ગૃહમાં મોકલી આપી છે. ત્યારબાદ પોલીસે આરોપી મંજૂબેનની ધરપકડ કરી આગળની કાર્યવાહી હાથ ધરી છે.

આ પણ વાંચોઃ

સુરતના પુનાગામ વિસ્તારમાંથી માનવ તસ્કરીનું સૌથી મોટું રેકેટ ઝડપાયું છે. રાજસ્થાન પોલીસ, રાજસ્થાન બાળ વિકાસ આયોગ તેમજ સેન્ટ્રલ આઈબીની ટીમ સહિત પુના પોલીસે સીતાનગર સોસાયટીમાંથી મળસ્કેના પાંચ વાગ્યે છાપો મારી રેકેટનો પર્દાફાશ કર્યો છે.

સ્પાની આડમાં સુરત શહેરમા ચાલતા ગોરખધંધાનો ઘણીવાર પર્દાફાશ કરવામાં આવ્યો છે. પોલીસને આ અંગે જાણ હોવા છતા તેમના નાક નીચે આ ધંધો જોરશોરમાં ચલાવવામા આવતો હોય છે. આવા જ એક ગોરખધંધામા 15 વર્ષીય કિશોરીને જબરજસ્તી લઇ જવામા આવી હતી. કિશોરીને અલગ અલગ સ્પામાં આવતા ગ્રાહકો સાથે શરીર સંબધ બાંધવા મજબૂર કરવામા આવતી હતી. જો કે, બાદમા કિશોરી ત્યાથી ભાગી છૂટતા ગોરખધંધાનો પર્દાફાશ થયો હતો. ઉમરા પોલીસે હાલ ગોરખંધંધો ચલાવનારી મહિલા વિરૂદ્ધ ગુનો નોંધી વધુ તપાસ હાથ ધરી હતી.