સુરતમાં જળબંબાકાર: બોટ દ્વારા 108 લોકોનું રેસ્ક્યુ, બે મકાન ધરાશાયી, 5 ખાડી ઓવરફ્લો

સુરત શહેર અને જિલ્લામાં ધોધમાર વરસાદ વરસ્યો છે. જેના કારણે શહેરની અનેક ખાડી ઓવરફલો થઇ છે. શહેરની પાંચ ખાડીઓ ભયજનક સપાટીને પાર કરી લીધી છે. શહેરના જુદા જુદા વિસ્તારોમાં ફસાયેલાં 108 લોકોનું ફાયર વિભાગ દ્વારા રેસ્ક્યુ કરાયું છે. જ્યારે અનેક સ્થળે વૃક્ષો પડવાની અને બે જર્જરિત ઈમારત ધરાશાયી થવાની ઘટના પણ પ્રકાશમાં આવી છે.

સુરત: સુરતમાં સૌથી વધુ સેન્ટ્રલ ઝોનમાં 44 મીમી વરસાદ પડ્યો છે. જ્યારે પર્વત પાટિયા અમરોલી લિંબાયત રાંદેર, જહાંગીરપુરા, અડાજણ, પાલ, અઠવાઇલાઇન્સ, ઉધના, રીંગ રોડ, વરાછામાં વરસાદ પડ્યો છે. સુરતમાં 3 દિવસથી મેઘ મહેર થતાં પર્વત પાટિયા પાસે પાણી ભરાયાં છે.ખાડી ઓવરફલો થતાં પાણી ઘરોમાં ઘૂસ્યાં છે. ફાયર ટીમ દ્વારા લોકોનું સ્થળાંતર શરુ કરાયું છે. અનેક વિસ્તારોમાં પોલીસ અને ફાયરની ટીમ તહેનાત કરાઈ છે અને નીચાણવાળા વિસ્તારમાંથી બોટ દ્વારા રેસ્ક્યુ શરુ કરાયું છે જેમાં અત્યાર સુધીમાં 108 જેટલા લોકોનું રેસ્ક્યુ કરાયું છે. સનીયા ગામ જળબંબાકાર થતા મંદિરમાં પાણી ભરાતાં પાંચ લોકો ફસાયાં હતાં જેને બોટ દ્વારા ફાયર વિભાગ દ્વારા રેસ્ક્યુ કરાયું હતું.

સુરતમાં જળબંબાકાર : બોટ દ્વારા 108 લોકો રેસ્ક્યુ, બે મકાન ધરાશાયી, 5 ખાડી ઓવરફ્લો

જ્યારે બીજીબાજુ ઉકાઈ ડેમની સપાટી 332 ફૂટ પર પહોંચી છે. કેચમેન્ટ વિસ્તારમાં ભારે વરસાદના કારણે ડેમમાં પાણીની આવકમાં વધારો થયો છે. 1.88 લાખ ક્યુસેક પાણીની આવક થતાં ઉકાઇ ડેમમાંથી તંત્ર દ્વારા તબક્કાવાર એક લાખ ક્યુસેક પાણી છોડાશે.સુરતમાં ભારે વરસાદને લઈને મકાન ધરાશાયી થતાં અફડાતફડી સર્જાઈ હતી. સોની ફળીયામાં બે મકાન ધરાશાયી થયાં છે.જૂનું અને જર્જરિત મકાન ધરાશાયી થયાં છે. સદનસીબે ઘટનામાં કોઈ જાનહાનિની ઘટના બની નથી.

સુરતની ખાડીની સપાટી...

કાંકરા ખાડી- 6.60 મીટર પર..ભયજનક સપાટી 6.50 મીટર છે. ભેદવાડ ખાડી-7.00 મીટર પર...ભયજનક સપાટી 6.75 મીટર છે.મીઠી ખાડી-8.90 મીટર પર..ભયજનક સપાટી 7.50 મીટર છે. ભાઠેના ખાડી-7.00 મીટર..ભયજનક સપાટી 7.70 મીટર છે અને સીમાડા ખાડી- 5.50 મીટર..ભયજનક સપાટી 5.40 મીટર છે.



શહેરમાં ભારે વરસાદના કારણે ખાડી પૂરની સ્થિતિ સર્જાઈ

અનેક લોકો ફસાતાં ફાયર વિભાગ દ્વારા રેસ્ક્યૂની કામગીરી કરવામાં આવી

શહેરના જુદાજુદા વિસ્તારમાંથી 108 જેટલા લોકોને રેસ્ક્યૂ કરાયાં

કાંગારૂ સર્કલ પાસેથી 75 જેટલા લોકોનું રેસ્ક્યુૂ

પર્વત ગામ અને માધવનગર વિસ્તારમાંથી 15 લોકોનું રેસ્ક્યૂ