આખરે ખેડૂતોની આતુરતાનો અંત, સુરત જિલ્લામાં વરસ્યો વરસાદ

હવામાન વિભાગની આગાહી મુજબ આજે મંગળવારે સુરત જિલ્લાના માંગરોળ, ઓલપાડ સહિતના તાલુકામા હળવો વરસાદ વરસ્યો હતો. જેના કારણે વાતાવરણમાં ઠંડક પ્રસરી હતી અને ખેડૂતોમાં પણ ખુશીની લહેર છવાઈ હતી.

• માંગરોળ, ઓલપાડ સહિતના તાલુકામા હળવો વરસાદ
• વરસાદ વરસતા ખેડૂતોના પાકને નવું જીવનદાન મળ્યું
• વરસાદ વરસતા વાતાવરણમાં ઠંડક પ્રસરી

સુરત: સમગ્ર રાજ્યમાં હવામાન વિભાગ દ્વારા 5 સપ્ટેમ્બર સુધી વરસાદની આગાહી કરવામાં આવી છે, ત્યારે આગાહી વચ્ચે આજે મંગળવારે સુરત જિલ્લાના પણ ઘણા વિસ્તારોમાં હળવો વરસાદ વરસ્યો હતો. ઓલપાડના કીમ, કઠોડરા, કુદસદ, કિંમાંમલી અને માંગરોળના પાલોદ, નવાપરા, બોરસરા, સહિતના વિસ્તારોમા કાળા ડિબાંગ વાદળો સાથે વરસાદ વરસ્યો હતો. વરસાદ વરસતા વાતાવરણમાં ઠંડક પ્રસરી હતી.

આ પણ વાંચો: બનાસકાંઠા જિલ્લાના અનેક વિસ્તારમાં મેઘમહેર, ઉભેલા પાકને નવું જીવનદાન મળ્યું

ઘણા દિવસોથી ખેડૂતો વરસાદની આતુરતાથી રાહ જોઈ રહ્યા હતા

ઓગસ્ટ મહીનામાં મેઘરાજા હાથ તાળી આપી દેતા ખેડૂતો પર ચિંતા વાદળો ઘેરાયા હતા. જોકે હવામાન વિભાગ દ્વારા સારા વરસાદની આગાહી કરતા ખેડૂતોમાં એક આશાનું કિરણ બધાયું હતું. આજે મંગળવારે આગાહી મુજબ વરસાદ શરૂ થતા ખેડૂતો આનંદમય થઈ ગયા હતા.

આ પણ વાંચો: છોટા ઉદેપુર પંથકમાં આજે સતત ત્રીજા દિવસે ધમાકેદાર વરસાદ, ખેડૂતોમાં ખુશીની લહેર છવાઈ