બારડોલી: સામાજિક ન્યાય અને અધિકારિતા પ્રધાન ઈશ્વરભાઈ પરમારના હસ્તે સુરત જિલ્લાના પલસાણા તાલુકાના 11 ગામોમાં 21.20કરોડના રસ્તા, સ્લેબ લાઈન, ડ્રેનેજ જેવા જનહિતના વિકાસકામોનું ખાતમુહૂર્ત કરવામાં આવ્યુ હતું. આ ઉપરાંત બારડોલી નગરપાલિકાના ચાર વોર્ડના 6 કરોડ 42 લાખના રસ્તાઓ, રિફ્રેશીંગ જેવા કામોની ખાતમુહૂર્તવિધિે પણ સંપન્ન થઇ હતી.
ઈશ્વર ભાઈએ જણાવ્યું હતું કે, કોરોના વૈશ્વિક મહામારીમાં પણ ગ્રામ્ય અને શહેરી નાગરિકોની સુખ સુવિધા માટે રાજ્ય સરકારે વિકાસના કામોની ગતિ અટકે નહીં એવું લક્ષ્ય સેવ્યું છે. એક ગામથી બીજા ગામને જોડતા રસ્તાઓના નિર્માણથી ગ્રામ્ય જનતાની યાતાયાતની સુવિધામાં વધારો થશે. આ સાથે તાલુકા અને જિલ્લા કક્ષાના મંજુર થયેલા રસ્તાઓના કામો સમયસર પૂર્ણ થાય તથા જે કામો બાકી હશે તેવા કામોને આગામી સમયમાં પ્રાથમિકતા આપી પૂર્ણ કરવામાં આવશે.
પલસાણા તાલુકાના વાંકાનેડા ખાતે રૂા.૨ કરોડ ૩૫ લાકના ખર્ચે ડ્રેનેજ લાઇન, વાસ્મો હેઠળ પીવાના પાણી, વોટર હાર્વેસ્ટીગ, ફાયબર ઓપ્ટીકલ કેબનું કામનું ખાતમુહુર્ત કરવામાં આવ્યુ છે. આ ઉપરાંત વાંકાનેડા ગામે રૂ.444 લાખના ખર્ચે ત્રણ જેટલા રસ્તાઓના કામો, વરેલી/હરિપુરા ખાતે રૂ.162 લાખના ખર્ચે રસ્તા/સ્લેબ ડ્રેઈનું કામ, બગુમરા ખાતે રૂ.233 લાખના ખર્ચે ત્રણ જેટલા રસ્તાના કામો તથા કારેલી ગામે રૂ.15 લાખના ખર્ચે રસ્તા તેમજ ગાંગપુર ગામે 84 લાખના ખર્ચે બે રસ્તાના કામોનું ખાતમુહૂર્ત કર્યું હતું.
આ સાથે ઈશ્વર ભાઈ પરમારે વણેસા ગામે 2.20 કિ.મી.ના વણેસાથી પીસાદ રોડ, 2.30 કિ.મી.ના રૂ. 49.95 લાખના ખર્ચના પીસાદ બારાસડી રોડનું, રૂ. 20 લાખના ખર્ચે પલસાણા બારડોલી રોડથી વણેસા સાંકી ડેરી હળપતિવાસ તરફનો રસ્તો, રૂ.55 લાખના ખર્ચે બારડોલી થી પલસાણા રોડ સ્ટ્રકચરનું કામ, એના ગામે રૂ.40.66 લાખના ખર્ચે એના ગામથી વેરાઈ મંદિરથી ખડકી ફળિયા સુધી તથા રૂ. 70 લાખના ખર્ચે તુડી થી ધામડોદ સુધીના રસ્તા, રૂ.15 લાખના એપ્રોચ રોડ, રૂ.65 લાખના ખર્ચે એના ગામથી પાદર ફળિયામાં સ્લેબ ડ્રેઈનનું કામ, રૂ. 3 કરોડના ખર્ચે કણાવ મલેકપોરથી સિયોદ પુણી રોડ, રૂ.37 લાખના ખર્ચે ભુતપોર ગામે મેદાનીયા વેગ થી ડેક વગા થઈ તુડી તરફના રસ્તાનું ખાતમુહૂર્ત કર્યું હતું.
આ ઉપરાંત પારડીપાતા ગામે રૂ.2 કરોડ 60 લાખના ખર્ચે રસ્તા, સ્લેબ ડ્રેઈના કામો તથા વડદલા ખાતે રૂ 64 લાખના ખર્ચે પલસાણા ગામથી કાલાધોડા તરફ જતા રસ્તાના કામનુ ખાતમુહૂર્ત કર્યું. હતું.
બારડોલી નગરપાલિકા વિસ્તારના વોર્ડ નં.1,2 અને 7,8 વોર્ડમાં મુખ્યમંત્રી જયંતિ શહેરી વિકાસ યોજના હેઠળ રૂ. 3. 27 કરોડ, રૂ.1 કરોડ 62 લાખના ખર્ચે 14માં નાણાપંચ હેઠળના, તથા રૂ. 95 લાખના ખર્ચે રોડ રિફ્રેશીંગનું કામ તેમજ રૂ. 55. 64 લાખના ખર્ચે 15 ટકા વિવેકાધિન જોગવાઇ હેઠળના કામોનું ખાતમુહૂર્તવિધિ સંપન્ન થઈ હતી.
