રાજકોટ મર્ડરઃ પ્રેમિકા મામલે યુવાનની કરાઈ હતી હત્યા, 3 આરોપીની ધરપકડ

રાજકોટ: રંગીલા રાજકોટમાં જ્યા પાર્વતીના જાગરણના દિવસે જ હત્યાનો બનાવ બન્યો હતો. ત્યારે ફરી એક હત્યાની ઘટના સામે આવી છે. રાજકોટમાં પ્રેમિકાને હેરાન કરવાના મુદ્દે બે રીક્ષા ચાલક વચ્ચે ઝઘડાનું સ્વરૂપ હત્યા સુધી પહોંચ્યું હતું. પોલીસે આરોપીની ધરપકડ કરી વધુ તપાસ હાથ ધરી છે.

રંગીલા રાજકોટમાં જવાહર રોડ પર એક રીક્ષા ચાલકે અન્ય રિક્ષા ચાલકને છરીના ઘા મારીને મોતને ઘાટ ઉતાર્યો હતો. બન્ને વચ્ચે એક યુવતીને લઈને ઝધડો ચાલતો હતો. આ મામલો હત્યા સુધી પહોંચ્યો હતો.

રજાક જુણેજા અને સાજીદ ભટ્ટી નામના રીક્ષા ચાલકો વચ્ચે બે માસ પૂર્વે ઝઘડો થયો હતા. જેનો પૂર્વગ્રહ રાખી બન્ને વચ્ચે ફરી ઝઘડો થયો હતો. રજાક જુણેજા નામના રીક્ષા ચાલકની જાહેરમાં સાજીત અને મુસ્તાક ભટ્ટી નામના બન્ને ભાઈઓ અને ઇમરાન ભાડુલા નામના ત્રણ આરોપીએ હત્યા કરી હતી. પોલીસે હત્યાના ત્રણેય આરોપીની ધરપકડ કરી હતી, પોલીસે આરોપીને હત્યાના સ્થળ પર લઈ જઈ કાયદાના પાઠ ભણાવ્યા હતા. પોલીસે આરોપી વિરૂદ્ધ વધુ કાર્યવાહી હાથ ધરી છે.