જૂનાગઢઃ પૂર્વ ધારાસભ્યની માનવસેવાને દાદ આપતાં વડાપ્રધાન મોદીએ રત્ના બાપા સાથે ટેલિફોનિક વાતચીત કરી હતી. વાત એમ છે કે બે દિવસ પહેલાં વર્ષ 1975 થી 80 દરમિયાન માળીયા મેંદરડાના ધારાસભ્ય રહેલાં રત્નાભાઇ ઠુંમરે કોરોના વાયરસની સામે ચાલી રહેલી લડતમાં મુખ્યપ્રધાન રાહતનિધિમાં 51 હજારનું દાન આપ્યું હતું. જેને લઇને પીએમ મોદીએ પણ પૂર્વ ધારાસભ્યની રાષ્ટ્રભાવનાને દાદ આપતાં હોય તે પ્રકારે આજે તેમની સાથે ટેલિફોનિક વાતચીત કરીને તેમના દેશ પ્રત્યેનું ઋણ અદા કરવાની ફરજને બિરદાવી હતી.
પૂર્વ MLAની દાનભાવનાને દાદ આપતાં PM મોદી, રત્નાભાઈ ઠુમર સાથે ફોન પર વાત કરી બિરદાવ્યાં બે દિવસ અગાઉ મેંદરડાના પુર્વ ધારાસભ્ય રત્નાભાઇ ઠુમરે જૂનાગઢ જિલ્લા કલેકટરને કોરોના સામેની લડાઈમાં 51 હજાર રૂપિયાનું દાન મુખ્યપ્રધાન રાહત નિધિમાં આપ્યું હતું.રત્નાભાઈએ રાષ્ટ્ર પ્રત્યેની તેમની વફાદારી 99 વર્ષની જૈફ વયે નિભાવી હોવાથી તેમની નોંધ પીએમ મોદીએ પણ લીધી હતી અને આજે તેમની સાથે ટેલિફોનિક વાતચીત કરી હતી.
પૂર્વ MLAની દાનભાવનાને દાદ આપતાં PM મોદી, રત્નાભાઈ ઠુંમર સાથે ફોન પર વાત કરી બિરદાવ્યાં મોદીએ ટેલિફોનિક વાતચીતમાં તેમના અને રત્નાભાઇના સંબંધો વિષે પણ ખૂબ જ ઊંડાણપૂર્વક વાતો કરી હતી. રત્નાભાઇ ઠુંમર 99 વર્ષની જૈફ વયે પહોંચી ચૂક્યાં છે જેને લઇને તેમના પુત્રે રત્નાભાઈ અને પીએમ મોદી વચ્ચે કડી બનીને વાતચીત કરાવી હતી. મોદીએ રત્નાભાઈની રાષ્ટ્ર પ્રત્યેની ખુમારીને બિરદાવી હતી અને વૈશ્વિક મહામારી બની ચૂકેલાં કોરોના વાઇરસ સામે લડવા માટે તેમના દ્વારા આપવામાં આવેલું અનુદાન સહર્ષ સ્વીકારીને તેમનો આભાર વ્યક્ત કર્યો હતો. વરસો પહેલાં નરેન્દ્ર મોદી સક્રિય રાજકારણમાં ન હતાં ત્યારથી તેમના સંબંધો રત્નાભાઈ સાથે છે જે આજે પણ પીએમ મોદીએ નિભાવ્યાં છે. જ્યારે મોદી ગુજરાતના મુખ્યપ્રધાન હતાં ત્યારે પણ નિયમિત અને પ્રસંગોપાત રત્નાભાઈ સાથે મુલાકાતો પણ થતી હતી. આજે મોદી અને રત્નાભાઈ વચ્ચે ટેલિફોનિક વાતચીત થઈ હતી ત્યારે વર્ષો જૂના સંબંધના સંસ્મરણોને વાગોળ્યાં હતાં.
