એગ્રીકલ્ચર યુનિવર્સીટીમાં ખેતીની આડપેદાશોમાંથી એનર્જી ઉત્પન્ન કરવાનો વેબીનાર યોજાયો

જૂનાગઢ એગ્રીકલ્ચર યુનિવર્સીટીમાં મંગળવારે બે દિવસના રાષ્ટ્રીય વેબીનારનું આયોજન કરાયું હતું. જેમાં સમગ્ર દેશમાંથી કૃષિ ક્ષેત્રના તજજ્ઞો અને ખેડૂતો જોડાયા હતા. કૃષિ પેદાશોમાંથી નીકળતા વેસ્ટમાંથી ઉર્જા કઈ રીતે પ્રાપ્ત કરી શકાય તેને લઈને આગામી બે દિવસ સુધી મનોમંથન કરવામાં આવશે. જેના દ્વારા ખેડૂતો કૃષિના વેસ્ટમાંથી ઉર્જા ઉત્પન્ન કરવા માટે માર્ગદર્શન મેળવીને કૃષિ ખર્ચમાં ઘટાડો કરી શકે તેવા ઉદ્દેશ સાથે આ વેબીનારનું આયોજન થયું છે.

• એગ્રીકલ્ચર યુનિવર્સીટીમાં બે દિવસના રાષ્ટ્રીય વેબીનારનું આયોજન કરાયું
• કૃષિ વેસ્ટમાંથી ઉર્જા મેળવવા ખેડૂતોને આપવામાં આવશે માર્ગદર્શન
• બે દિવસના વેબીનાર બાદ ખેડૂતોને કૃષિ ક્ષેત્રમાં ખર્ચ ઘટાડવા મળશે માર્ગદર્શન

આ પણ વાંચોઃ ગ્લોબલ વોર્મિંગની અસરથી આંબાવાડિયમાં કેરીના ફાલ પર જોવા મળી વિપરીત અસર

જૂનાગઢઃ એગ્રીકલ્ચર યુનિવર્સિટી દ્વારા મંગળવારથી બે દિવસ સુધી રાષ્ટ્રીય કક્ષાના વેબીનારનું આયોજન કરવામાં આવ્યું છે. જેમાં કૃષિની વેસ્ટમાંથી કઈ રીતે ખેડૂતો ઉર્જા પ્રાપ્ત કરી શકે તેને લઈને કૃષિ ક્ષેત્રના તજજ્ઞો દ્વારા વેબીનારમાં જોડાનાર ખેડૂતોને માર્ગદર્શન પૂરું પાડવામાં આવશે. ઘઉં અને ડાંગરની કાપણી બાદ ખેડૂતો પરાળને બાળી નાંખીને તેનો નિકાલ કરે છે. પરંતુ આ અયોગ્ય પદ્ધતિથી ખેડૂતો ખૂબ મોટું નુકસાન ભોગવી રહ્યા છે ત્યારે આ પ્રકારની પરાળમાંથી ખેડૂતો ઊર્જા કઈ રીતે મેળવી શકે તેને લઈને આ વેબીનારનુ આયોજન કરવામાં આવ્યું છે. જેમાં એગ્રીકલ્ચર યુનિવર્સિટીના વિષય નિષ્ણાંતો તેમજ સમગ્ર દેશમાંથી કૃષિક્ષેત્રના તજનો અને ખેડૂતો બે દિવસ સુધી જોડાઈને વિચારોનું આદાન પ્રદાન કરશે.

કૃષિ વેસ્ટમાંથી ઉર્જા મેળવવા ખેડૂતોને આપવામાં આવશે માર્ગદર્શન

આ પણ વાંચોઃ રાજ્યના ખેડૂતો પાસેથી 16 માર્ચથી લઘુત્તમ ટેકાના ભાવે ઘઉંની સીધી ખરીદી શરૂ કરાશે

ઘઉં અને ડાંગરની પરાળ બાળવાથી ઉત્તર ભારતમાં શિયાળા દરમિયાન પ્રદૂષણ વધે છે

વેબીનારમાં ઉપસ્થિત કૃષિ તજજ્ઞોએ ઘઉં અને ડાંગરની પરાળ ખેડૂતો બાળી રહ્યા છે તેને કારણે ઉત્તર ભારતમાં શિયાળા દરમિયાન દિલ્હી સહિત કેટલાક ભાગોમાં પ્રદૂષણનું પ્રમાણ ખૂબ જ ચિંતાજનક રીતે વધી જાય છે. જેને કારણે શાળાઓ પણ બંધ કરવાની નોબત દિલ્હી સરકારને આવતી હોય છે. ખેડૂતો ઘઉં અને ડાંગરની પરાળ બાળવાની જગ્યાએ જો તેનો યોગ્ય અને પદ્ધતિસર નિકાલ કરે તો કૃષિના આ કચરામાંથી ખેડૂતો ઉર્જા પ્રાપ્ત કરી શકે છે. જેને લઇને આ વેબીનારનું આયોજન કરાયું છે જેમાં ઉપસ્થિત કૃષિ ક્ષેત્રના દેશભરના નિષ્ણાંતો ખેડૂતોને માર્ગદર્શન આપશે. એકબીજા વચ્ચે તેમના વિચારોનું આદાન પ્રદાન કરીને કૃષિના કચરામાંથી ઉર્જા ઉત્પન્ન કરવા અંગે બે દિવસ વિચાર-વિમર્શ કરશે.