જામનગર: વૈશ્વિક મહામારી નોવેલ કોરોના વાઇરસ સંક્રમણની સારવાર અને તેને આગળ વધતો અટકાવવા માટે ગુજરાત સરકાર દ્વારા ખૂબ ઉત્તમ કામગીરી થઇ રહી છે, ત્યારે આ કામગીરીમાં ધારાસભ્યો પણ સહભાગી થઈ શકે તે હેતુથી રાજ્યના કૃષિ, ગ્રામવિકાસ, વાહનવ્યવહાર પ્રધાન આર.સી.ફળદુ અને અન્ન અને નાગરિક પુરવઠા રાજ્ય પ્રધાન ધર્મેન્દ્રસિંહ જાડેજાએ સામૂહિક વિકાસના કામો માટેના ફંડમાંથી ગુજરાત રાજ્ય હેલ્થ સોસાયટીને 50 લાખ રૂપિયા અર્પણ કર્યા છે.
કોરોના વાઇરસને અટકાવવા માટે સરકાર ઉપયોગી સાધનો જેવા કે, વેન્ટિલેટર, ડાયાલિસિસ સાધનો, દવાઓ, ટેસ્ટિંગના ઉપયોગી સાધનો, મેડિકલ કીટ વગેરે આ ગ્રાન્ટ થકી વસાવી શકે તે માટે બન્ને પ્રધાનો દ્વારા 25-25 લાખ રૂપિયા ધારાસભ્યની ગ્રાન્ટમાથી ફાળવવામાં આવ્યા છે.
