- જામનગરમાં બાદનપર ગામમાં ખેતરમાં મહેફિલ માણતા 7 શખ્સ ઝડપાયા
- પોલીસે બાતમીના આધારે પાડેલા દરોડા દરમિયાન આરોપીઓને પકડી પાડ્યા
- પોલીસે એડવોકેટ સહિત સાત આરોપીને મહેફિલ માણતા ઝડપી પાડ્યા
જામનગરઃ જોડિયા તાલુકાના બાદનપર ગામના પાટિયા પાસે વાડી વિસ્તારમાં ઈંગ્લિશ દારૂની મહેફિલ ચાલતા પોલીસે દરોડા પાડ્યા હતા. પોલીસ એક વકીલ સહિત 7 શખ્સોને દારૂના જથ્થા સાથે ઝડપી લઈ આગળની કાર્યવાહી હાથ ધરી છે. આ અંગે દરોડાની વિગત અનુસાર, જોડિયા તાલુકાના બાદનપર ગામના પાટિયા પાસે આવેલા ભાવેશ જીવરાજ કાસુન્દ્રાના ખેતરમાં ઈંગ્લિશ દારૂની મહેફિલ ચાલતી હોવાની પોલીસને બાતમી મળી હતી. પોલીસે દરોડા પાડીને સાત આરોપીને ઝડપી પાડ્યા હતા. પોલીસે સાતેય શખ્સ પાસેથી ઈંગ્લિશ દારૂની એક બોટલ અને એક ખાલી બોટલ તથા પ્લાસ્ટિકના ગ્લાસ સહિતનો મુદ્દામાલ ઝડપ્યો હતો. તમામ ઈસમો સામે પોલીસે ગુનો નોંધી કાયદેસરની કાર્યવાહી કરી છે.
દારૂની મહેફિલ માણતા ઝડપાયેલા આરોપીઓ
- એડવોકેટ સુરેશ હરજી કુંડારિયા
- યોગેશ વલ્લભ ગોઠી
- ભરત પ્રાગજી ભીમાણી
- અશોક ગોવિંદ કાનાણી
- પંકજ સવજી કાનાણી
- હાર્દિક જયસુખ લીંબાણી
- ભાવેશ જીવરાજ કાસુન્દ્રા
