જામનગરમાં કોરોના વેક્સિન કોલ્ડ સ્ટોરેજ રૂમ થયો તૈયાર, ચાર તબક્કામાં વેક્સિન આપવા તંત્ર સજ્જ

જામનગરમાં ચાર તબક્કામાં કોરોના વેક્સિન આપવા માટે તંત્ર દ્વારા નિર્ણય કરાયો છે. કોરોના વેક્સિનને IMR ફ્રીજમાં સાચવવાની હોય છે. ડીપ ફ્રીજની ક્ષમતા માઇનસ 15 થી 20 દિવસ સુધીની છે. તંત્ર દ્વારા જિલ્લા પંચાયત તેમજ તાલુકા મથકોમાં રસીના સંગ્રહ માટેની તૈયારીઓ શરૂ કરવામાં આવી છે

• જામનગરમાં કોરોના વેક્સિન કોલ્ડ સ્ટોરેજ રૂમ તૈયાર
• 4 તબક્કામાં વેક્સિન આપવા તંત્ર સજ્જ

જામનગર: જામનગર જિલ્લા પંચાયતના સર્જન ડૉ. રેણુકા બારાઈએ જામનગરમાં કોરોના વાઇરસની રસીના સંગ્રહની તૈયારી અંગે Etv ભારત સાથે વાતચીત કરી હતી. જેમાં તેમણે જણાવ્યું હતું કે ચાર તબક્કામાં કોરોના રસી આપવા તંત્ર દ્વારા નિર્ણય કરાયો છે. કોરોના વેક્સિનને IMR ફ્રીજમાં સાચવવાની હોય છે. તેની મહત્તમ ક્ષમતા 2 થી 8 ડિગ્રીની છે ત્યારે ડીપ ફ્રીજની ક્ષમતા માઇનસ 15 થી 20 ડિગ્રી સુધીની છે. તંત્ર દ્વારા જિલ્લા પંચાયત તેમજ તાલુકા મથકોમાં રસીના સંગ્રહ માટેની તૈયારીઓ શરૂ કરવામાં આવી છે. જામનગર જિલ્લામાં કુલ 36 લાખ મીલીમીટર પ્રતિરોધક રસી સાચવવાની ક્ષમતા છે.

સૌપ્રથમ ફ્રન્ટલાઈન વોરિયર્સને રસી અપાશે

જામનગરમાં જિલ્લા પંચાયત ખાતે કોલ્ડ સ્ટોરેજ રૂમ બનાવવામાં આવ્યો છે. આ કોલ્ડ સ્ટોરેજ રૂમમાં 7 જેટલા ફ્રીજ મૂકવામાં આવ્યા છે જેમાં કોરોના વેક્સિન રાખવામાં આવશે. કોરોના વેક્સિન સૌપ્રથમ ફ્રન્ટલાઈન વોરિયર્સને આપવામાં આવશે અને ત્યારબાદ ફરજ બજાવતા કર્મચારીઓ અને ત્યારબાદ 50 વર્ષથી વધુ ઉંમરના વ્યક્તિઓને આપવામાં આવશે. સમગ્ર જામનગર જિલ્લામાં જુદી જુદી જગ્યાએ રસી કેન્દ્ર ખોલવામાં આવશે. જામનગર મહાનગરપાલિકા અને જિલ્લા પંચાયતના સંયુક્ત ઉપક્રમે જામનગર જિલ્લામાં કોરોના વેક્સિન લોકોને આપવામાં આવશે.