- વાલસુરામાં આંતરરાષ્ટ્રીય યોગ દિવસની ઉજવણી
- ‘યોગ સાથે રહો, ઘરે રહો’ થીમ અંતર્ગત ઉજવણી
- આશરે 200 લોકોએ ઉત્સાહભેર ભાગ લીધો
જામનગરઃ INS વાલસુરા દ્વારા આંતરરાષ્ટ્રીય યોગ દિવસ (World Yoga Day)ની ઉજવણી કરવામાં આવી હતી. ‘યોગ સાથે રહો, ઘરે રહો’ થીમ અંતર્ગત ઉજવણી કરવામાં આવી હતી. યુનિટ દ્વારા આયોજિત અસંખ્ય પ્રવૃત્તિઓમાં સેવાના કર્મચારીઓ, તાલીમાર્થીઓ, સંરક્ષણ નાગરિકો, DSCના જવાનો અને પરિવારો સહિત આશરે 200 લોકોએ ઉત્સાહભેર ભાગ લીધો હતો.
યોગાસનો વિશે જ્ઞાન અને જાગૃતિ ફેલાવવાના ઉદ્દેશ્ય સાથે કરાયું આયોજન
આ કાર્યક્રમની શરૂઆત બેસ્ટસેલર ‘કોર્પોરેટ ચાણક્ય’ અને અન્ય ચાણક્ય શ્રેણીના જાણીતા લેખક ડૉ.રાધાકૃષ્ણન પિલ્લઇ(Dr. Radhakrishnan Pillai) ના ઓનલાઇન સંબોધનથી થઈ હતી. વ્યાખ્યાન પૂર્ણ થયા પછી પરિવારો માટે યોજાયેલી વર્ચુઅલ સ્લોગન સ્પર્ધા (Slogan competition), તેમજ તાલીમાર્થીઓ માટે યોજાયેલી ઓનલાઇન ક્વિઝ સ્પર્ધા (Online quiz competition)ના વિજેતાઓને સન્માનિત કરવામાં આવ્યા હતા. બંને સ્પર્ધાઓનું આયોજન COVID-19 પ્રોટોકોલને પગલે વિવિધ યોગાસનો વિશે જ્ઞાન અને જાગૃતિ ફેલાવવાના ઉદ્દેશ્ય સાથે કરવામાં આવ્યું હતું.
આ પણ વાંચોઃ આંતરરાષ્ટ્રીય યોગ દિવસ: દેશ-વિદેશમાં રાજકીય નેતાઓએ કર્યા યોગ, જુઓ તસવીરો
કોવિડ ગાઈડલાઈનનું પાલન કરી કરી ઉજવણી
સ્થાપનાના તાલીમાર્થીઓ અને કર્મચારીઓએ તેમના રહેઠાણના સ્થળોએથી યોગ કર્યા હતા. આ ઉપરાંત NWWA (વાલસુરા) દ્વારા 5 થી 15 વર્ષની વય જૂથનાં બાળકો માટે ‘વર્ચ્યુઅલ ફન યોગા’ (Virtual Fun Yoga)નું પણ આયોજન કરવામાં આવ્યું હતું. યોગ શિક્ષક અને આર્ટ ઓફ લિવિંગ ફાઉન્ડેશનના સંસ્કાર કેન્દ્ર શિક્ષક આરતી ખુરાનાએ સત્ર યોજ્યું હતું. જેમાં બાળકોને લાભ મળે તે માટે વિવિધ આસનોનું નિદર્શન કરાયું હતું. ઓનલાઇન યોગા સ્પર્ધા (Online yoga competition)નું પણ સંકલન કર્યું હતું. જેમાં પરિવારોને ઘરે યોગા કરવા માટે પ્રોત્સાહિત કરવામાં આવ્યાં હતા અને તેમના દ્વારા કરાયેલા યોગાનું વિડિયો રેકોર્ડિંગ્સના આધારે શ્રેષ્ઠ કલાકારોને એવોર્ડ આપવામાં આવ્યો હતો.
આ પણ વાંચોઃ આજે વિશ્વ યોગ દિવસ: મૂળભૂત રીતે અતિ સૂક્ષ્મ વિજ્ઞાન પર આધારિત આધ્યાત્મિક અધ્યયન વિષય
