ગાંધીનગર : ગુજરાતમાં છેલ્લા 5 દિવસમાં થયેલી 3 દુષ્કર્મની ઘટનાઓને કારણે રાજ્યના મહિલા આયોગના અધ્યક્ષ લીલાબેન આંકોલિયાએ જણાવ્યું હતું કે, રાજ્યમાં છેલ્લા 5 દિવસમાં 3 દુષ્કર્મની ઘટના રાજ્યમાં બની છે. જેને લઇને મહિલા આયોગે જે તે જિલ્લાના પોલીસ અધિકારીને તપાસના કડક આદેશ પણ આપી દીધા છે.
આ તમામ ઘટનામાં આરોપીઓની તાત્કાલિક ધરપકડ થાય તે માટેની પણ કડક સૂચના મહિલા આયોગ દ્વારા આપવામાં આવી છે. ઉલ્લેખનીય છે કે, જામનગરમાં સોમવારે વધુ એક આરોપીની પોલીસે ધરપકડ કરી છે. ત્યારે હવે આવનારા દિવસોમાં મહિલા આયોગની ટીમ પણ આરોપીઓની પૂછપરછ કરશે. જ્યારે પીડિતાને તાત્કાલિક ન્યાય મળે તે આ બાબતે પણ કાર્યરત રહેશે.
ઉલ્લેખનીય છે કે, રાજ્યમાં છેલ્લા 5 દિવસમાં જે 3 દુષ્કર્મની ઘટનાઓ બની છે, તેને ધ્યાનમાં લઇને મહિલા આયોગની ટીમ પણ ઘટના સ્થળે પહોંચી હતી. આ સાથે જ ભોગ બનનારી યુવતીઓને પણ મહિલા આયોગની ટીમ દ્વારા તેમનું કાઉન્સિલિંગ કરવામાં આવ્યું હતું. આ સાથે સમગ્ર ઘટનાઓ અંગેનો ચિતાર પણ મેળવ્યો હતો. આ ઉપરાંત આરોપીની ધરપકડ બાદ પોલીસે કેવા અને ક્યા પગલા લીધા છે, તે બાબતનો રિપોર્ટ ગુજરાત રાજ્ય મહિલા આયોગ દ્વારા મંગાવવામાં આવ્યો છે.
