ખાનગી હોસ્પિટલોમાં પ્રેક્ટિસ કરતાં તબીબોની સેવા સરકાર હસ્તકની હોસ્પિટલોમાં ઉપલબ્ધ કરાવાશેઃ નીતિન પટેલ

વિધાનસભા ગૃહમાં રાજ્યની સરકારી હોસ્પિટલમાં ડોક્ટરોની અછત અને કોરોનામાં ડેઝીગ્નેટેડ કોર્ટના હોસ્પિટલની જાહેરાત બાદ હોસ્પિટલના બિલની ચૂકવણી ન થયા હોવાની ચર્ચા પણ વિધાનસભા ગૃહમાં કરવામાં આવી હતી. જેમાં રાજ્ય સરકારના આરોગ્યપ્રધાન નીતિન પટેલે જણાવ્યું હતું કે સરકારે જાહેર કરેલી ડેઝિગ્નેટેડ હોસ્પિટલોના પેમેન્ટની કામગીરી પ્રગતિમાં છે અને સરકાર હસ્તકની જનરલ હોસ્પિટલોમાં ખાનગી પ્રેક્ટિસ કરતાં તબીબોને પણ યોગ્ય પગાર આપી દર્દીઓની સારવાર કરે તેવું આયોજન કરવામાં આવી રહ્યું છે.

• સરકારે જાહેર કરેલી ડેઝિગ્નેટેડ હોસ્પિટલોના પેમેન્ટની કામગીરી પ્રગતિમાં: નીતિન પટેલ
• રાજ્યમાં ડોકટરોની અછત મુદ્દે વિધાનસભામાં સરકારને ઘેરવાનો પ્રયાસ
• કોરોના બિલ બાકી હોવાનું સામે આવ્યું
• બિલ ચૂકવણી કાર્યરત હોવાનું નીતિન પટેલનું નિવેદન
• વધારે પગાર આપીને સેવા લેવામાં આવશે

ગાંધીનગર: રાજ્યની સરકારી જનરલ હોસ્પિટલોમાં બાળરોગ નિષ્ણાતોની ખાલી જગ્યા અંગે આરોગ્યપ્રધાન નીતિન પટેલે જણાવ્યું હતું કે, આ જગ્યાઓ ભરવા માટે સરકાર સતત પ્રયાસ કરી રહી છે. પરંતુ તબીબો સરકારી સેવા કરતા ખાનગી પ્રેક્ટિસ વધુ કરી રહ્યાં છે. આમ છતાં કોરોના જેવી ગંભીર બીમારી સમયે પ્રેક્ટિસ કરતા તબીબોને પ્રેક્ટિસ સાથે 85 હજાર તેમજ કાયમી માટે 1.25 લાખ સુધીની ઓફર કરવામાં આવી હતી. સાથોસાથ આયુષ ડોકટર્સને રૂ ૩૦ હજાર ચૂકવીને રાજ્યના દર્દીઓને સારવારમાં કચાશ ન રહે તેની તકેદારી રાખવામાં આવી છે.

રાજ્યમાં ડોકટરોની અછત મુદ્દે વિધાનસભામાં સરકારને ઘેરવાનો પ્રયાસ

આ પણ વાંચોઃ રાજ્યમાં બાળ નિષ્ણાંત તબીબોની અછત: સરકારે જવાબ આપ્યો કે ડોક્ટરો જ નથી મળતા

5500 મેડિકલ બેઠકો ગુજરાતમાં છે

ગુજરાતને વધુ તબીબો મળી રહે તે માટે વધુ મેડિકલ કોલેજો ઊભી કરવાનો નિર્ણય લેવાતા 5500 જેટલી મેડિકલ બેઠકો ગુજરાતમાં છે. તેથી આવનારા દિવસોમાં સરકાર હસ્તકની હોસ્પિટલોમાં વધુ તબીબો મળશે તેવી આશા નીતિન પટેલે વ્યક્ત કરી છે.