ગાંધીનગર : રાજ્યસભાની ચૂંટણી બાબતે ગાંધીનગર પોલીસ દ્વારા કુલ ૩૦૦થી વધુ પોલીસ કર્મચારીઓની ફાળવણી કરવામાં આવી છે. જેમાં ચાર ડીવાયએસપી 10 પોલીસ ઇન્સ્પેક્ટર સહિતના પોલીસ કર્મચારીઓ રાજ્યસભાની ચૂંટણીમાં હાજર રહેશે. આ સાથે જ મહત્વની વાત કરવામાં આવે તો રાજ્ય સભાની ચૂંટણી હોવાના કારણે આજથી જ માત્ર ગેટ નંબર એક અને ચાલતી જ પ્રવેશ શરૂ કરી દેવામાં આવ્યો છે. રાજ્યસભાની ચૂંટણી અંતર્ગત સચિવાલયના ગેટ નંબર ૪ ૬ અને ૭ બંધ રાખવાનો નિર્ણય પણ લેવામાં આવ્યો છે. આમ રાજ્યસભાની ચૂંટણીમાં કોઇપણ પ્રકારનું અજુગતું ન થાય તે માટેની ખાસ વ્યવસ્થા પોલીસ દ્વારા ગોઠવવામાં આવી છે.
રાજ્યસભા ચૂંટણી : 4 DYSP અને 10 PI સહિત 300થી વધુ પોલીસકર્મીઓ તહેનાત રહેશે
