ગાંધીનગરઃ નાણાં પ્રધાન નીતિન પટેલ વર્ષ 2020-21નું પૂર્ણકાલીન બજેટ રજૂ કરશે. ગત વર્ષ 2019-20માં બજેટનું કદ 2 લાખ 4 હજારનું હતું, ચાલુ નાણાંકીય વર્ષનું બજેટનું કદ આનાથી મોટુ હોવાની શક્યતા છે. ગત વર્ષે બજેટના કદમાં રૂપિયા 15,375 કરોડનો વધારો કરાયો હતો.
સમગ્ર બજેટ સત્ર શું-શું થશે?
- 14મી ગુજરાત વિધાનસભાના ચાલુ છઠ્ઠા સત્રની આગામી બેઠકોનો પ્રારંભ 26 ફેબ્રુઆરીથી થશે.
- પ્રથમ દિવસે રાજ્યના નાયબ મુખ્ય પ્રધાન અને નાણા પ્રધાન નીતિન પટેલ ગુજરાત રાજ્યનું સને 20202-21ના વર્ષ માટેનું અંદાજપત્ર રજૂ કરશે.
- સત્ર દરમ્યાન કામકાજના કુલ 22 દિવસ રહેશે અને એકંદરે ગૃહની ૨૫ બેઠકો મળશે.
- પ્રથમ દિવસે પ્રશ્નોત્તરી બાદ ભૂતપૂર્વ ધારાસભ્ય દોલત દેસાઈ, વલસાડ, કરમશી કોળી પટેલ, સાણંદ અને ગોવિંદ ચૌહાણ, બાવળાના અવસાન અંગે શોકદર્શક ઉલ્લેખ હાથ ધરાશે.
- 27 ફેબ્રુઆરીથી રાજ્યપાલના સંબોધન પર આભાર પ્રસ્તાવ પરની ચર્ચાનો પ્રારંભ થશે, જે માટે ત્રણ બેઠકો ફાળવવામાં આવેલ છે.
- 2જી અને 3જી માર્ચના રોજ ગૃહમાં રજૂ થયેલ પૂરક માંગણીઓ પર ચર્ચા અને મતદાન હાથ ધરાશે.
- જ્યારે અંદાજપત્ર પર સામાન્ય ચર્ચાનો પ્રારંભ 4થી માર્ચથી થશે, જે માટે કુલ 4 દિવસ ફાળવવામાં આવેલ છે.
- જુદા જુદા વિભાગની માંગણીઓ પર વિભાગવાર ચર્ચા અને મતદાન હાથ ધરાશે, જે માટે કુલ 12 બેઠકો ફાળવવામાં આવેલ છે.
- સમગ્ર સત્ર દરમ્યાન કામકાજના કુલ 22 દિવસ રહેશે અને એકંદરે ગૃહની 25 બેઠકો મળશે.
- સરકારી વિધેયકો અને સરકારી કામકાજ માટે કુલ 3 બેઠકો મળશે.
- સમગ્ર સત્ર દરમ્યાન ૩ બેઠકો બિન સરકારી વિધેયકો અને અન્ય ત્રણ બેઠકો દરમ્યાન બિન સરકારી સંકલ્પો હાથ ધરાશે.
- પ્રજાને સ્પર્શતા મુદ્દાઓ કે સભ્ય દ્વારા સુચવવામાં આવેલ કાયદાકીય જોગવાઇઓ સંદર્ભેમાં ગૃહમાં વ્યાપક ચર્ચા હાથ ધરાશે.
- 31 માર્ચના રોજ છેલ્લા દિવસનો પ્રસ્તાવ હાથ ધરાશે.
- એકંદરે ગૃહનું કામકાજ 26 ફેબ્રુઆરીથી શરૂ થશે અને 31 માર્ચના રોજ પૂર્ણ થશે.
આશા-અપેક્ષા અને ધારણાઓ
- ચાલુ નાણાંકીય વર્ષના બજેટના કદમાં રૂપિયા 17,000 કરોડથી વધુનો વધારો કરાય તેવી શક્યતા
- ગત વર્ષે 285 કરોડની પુરાંતવાળું બજેટ રજૂ થયું હતું, ચાલુ વર્ષે 300 કરોડનું બજેટ રજૂ થાય તેવી ધારણા
- ગુજરાતમાં ચાલુ નાણાકીય વર્ષ દરમિયાન 8 મહાનગરપાલિકાની ચૂંટણીઓ આવી રહી છે,
- 26 ફેબ્રુઆરીએ રજૂ થનાર બજેટ કરબોજ વિનાનું હશે.
- તેમજ નગરપાલિકાના વિકાસના કામોને ગતિ આપનારું હશે.
- ખેડૂતોના ઉભા પાકને ભારે નુકસાન થયું હતું, જેથી ખેડૂતલક્ષી નવી યોજના જાહેર થવાનો આશાવાદ
- પાકવીમામાં પણ ફેરફારની અપેક્ષા
- નવા બજેટમાં શહેરોની સ્વચ્છતા પર વધુ ભાર મુકાય તેવી ધારણા
- ટૂંકમાં ગુજરાતનું વર્ષ 2020-21નું બજેટ વિકાસલક્ષીની સાથે કરબોજ વિનાનું બજેટ આવશે.
