વિધાનસભા અધ્યક્ષ રાજેન્દ્ર ત્રિવેદીની ટકોર, ગૃહમાં 20 ધારાસભ્યો માસ્ક પહેર્યા વિના બેઠા

કોરોના સંક્રમણ અટકાવવા માટે રાજ્ય સરકાર દ્વારા માસ્ક ફરજિયાત કરવામાં આવ્યું છે, ત્યારે આજે શનિવારે ચાલુ સત્રમાં 20 જેટલા ધારાસભ્યો માસ્ક વિના અને માસ્ક ન પહેર્યું હોય, તેવી પરિસ્થિતિમાં જોવા મળ્યા હતા. જે બાબતે વિધાનસભા અધ્યાક્ષ રાજેન્દ્ર ત્રિવેદીએ ટકોર કરી હતી.

• વિધાનસભા ગૃહમાં 20 જેટલા ધારાસભ્યો માસ્ક વગરના
• વિધાનસભા અધ્યક્ષ ત્રિવેદીએ કરી ટકોર
• અમુક ધારાસભ્યો નાકની નીચે માસ્ક રાખતા નજરે પડ્યા

ગાંધીનગર: કોરોના સંક્રમણ અટકાવવા માટે રાજ્ય સરકાર દ્વારા માસ્ક ફરજિયાત કરવામાં આવ્યું છે, ત્યારે આજે શનિવારે ચાલુ સત્રમાં 20 જેટલા ધારાસભ્યો માસ્ક વિના અને માસ્ક ન પહેર્યું હોય, તેવી પરિસ્થિતિમાં જોવા મળ્યા હતા. જે બાબતે વિધાનસભા અધ્યાક્ષ રાજેન્દ્ર ત્રિવેદીએ ટકોર કરી હતી.

20 જેટલા ધારાસભ્યોએ માસ્ક પહેર્યું નહોતું

કોરોના સંક્રમણ વિધાનસભામાં ફેલાઈ નહીં, તે માટે વિધાનસભામાં જાહેર જનતાને પ્રવેશ આપવામાં આવતો નથી અને ધારાસભ્યોની બેઠક વ્યવસ્થા પણ સોશિયલ ડિસ્ટેન્સ સાથે ગોઠવવામાં આવી છે, ત્યારે આજે શનિવારે વિધાનસભા ગૃહમાં કાર્ય દરમિયાન વિધાનસભાના અધ્યક્ષ રાજેન્દ્ર ત્રિવેદીએ જાહેરમાં ટકોર કરી હતી કે 20 જેટલા ધારાસભ્યોએ માસ્ક પહેર્યા નથી. આમ આવી ટકોરથી વિધાનસભા ગૃહમાં તમામ ધારાસભ્યો એકબીજા તરફ જોવા લાગ્યા હતા.

જાહેર જનતા માસ્ક નહીં પહેરવા પર 1000 દંડ

સામાન્ય રીતે જો વાત કરવામાં આવે તો જાહેર જનતા જો માસિક ન પહેરે તો પોલીસ દ્વારા પ્રતિ વ્યક્તિ એક હજાર રૂપિયાનો દંડ વસુલ કરવામાં આવે છે, ત્યારે આજે શનિવારે વિધાનસભા ગૃહમાં પણ અનેક ધારાસભ્યો માસ્ક વિના અથવા માસ્કને નહીં પહેરેલા દેખાયા હતા. આવા સમયે સહજ રીતે પ્રશ્ન ઉદભવે કે શું ધારાસભ્યોને કોઈ નિયમો નડતા નથી? દરેક નિયમમાંથી ધારાસભ્યને છુટ્ટી મળે છે?

સોશિયલ ડિસ્ટન્સ છે એટલે વાંધો નહીં

વિધાનસભા અધ્યક્ષ રાજેન્દ્ર ત્રિવેદીની માસ્ક અંગેની ટકાર થતાની સાથે કોંગ્રેસના ધારાસભ્ય અમિત ચાવડાએ જવાબ આપ્યો હતો કે સોશિયલ ડિસ્ટન્સ હોવાથી કોઈ વાંધો નથી. આમ વિધાનસભા અધ્યક્ષને ગણતરીની સેકન્ડમાં જ અમિત ચાવડાએ જવાબ આપી દીધો હતો.

આ પણ વાંચોઃ ગેરકાયદેસર ઝીંગા ફાર્મને મુદ્દે વિધાનસભામાં રજૂઆત કરાઈ