પિશાચી આનંદ લેવા શખ્શે સચિવાલયની બહાર આવેલી ચોકીમાં આગ લગાવી

ગાંધીનગરમાં સચિવાલયની બહાર આવેલી ચોકીમાં એક શખ્શ દ્વારા આગ લગાવવામાં આવી હતી. પૂછપરછ દરમિયાન જાણવા મળ્યું હતું કે, વિક્રુત આનંદ લેવા માટે આરોપી દ્વારા આગ લગાવવામાં આવી હતી.

• સચિવાલયની બહાર ચોકીમાં આગનો મામલો
• પોલીસે ગણતરીના સમયમાં આરોપીની કરી ધરપકડ
• CCTVની મદદથી આરોપી ઝડપાયો

ગાંધીનગર: પિશાચી આનંદ લેવા માટે લોકો ગમે તે હદ સુધી ઉતરી જતા હોય છે, ત્યારે ગઈકાલે બુધવોરે મોડી સાંજે સચિવાલયના ગેટ નંબર 6 પાસે આવેલી પોલીસ ચોકીમાં આગ લાગી હતી. જેમાં ગાંધીનગરના સેક્ટર 6 ખાતે રહેતા એક શખ્શે પિશાચી આનંદ લેવા માટે આગ લગાવી હોવાનું પોલીસે જણાવ્યું હતું.

આ પણ વાંચો:વડોદરામાં યુવકે અગમ્ય કારણોસર કારને આગ લગાવી, જુઓ વીડિયો

CCTVના માધ્યમથી આરોપીની ધરપકડ

આ બાબતે ગાંધીનગર DySP એમ કે રાણાએ જણાવ્યું હતું કે, સચિવાલયની બહાર આવેલી પોલીસ ચોકીમાં આગ લાગી ન હતી, પરંતુ લગાવવામાં આવી હતી. વિક્રુત આનંદ લેવા માટે આરોપી દ્વારા આગ લગાવવામાં આવી હતી, જેમાં પોલીસે CCTVની તપાસ કર્યા બાદ તેના ફૂટેજના આધારે આરોપીની ધરપકડ કરવામાં આવી છે.

આ પણ વાંચો:ટ્રાફિક પોલીસે દંડ ફટકારતા યુવકે પોતાનું બાઇક સળગાવ્યું

આરોપી પહેલા પણ કરી ચૂક્યો છે આવું કામ

સેકટર-7 પોલીસ સ્ટેશન દ્વારા આરોપીની ધરપકડ કરવામાં આવી છે અને પોલીસ તપાસમાં આરોપીએ વિક્રુત આનંદ લેવા માટે જ પોલીસ ચોકીમાં આગ લગાવી હોવાનું સામે આવ્યું છે, જ્યારે આરોપીએ ભૂતકાળમાં પણ આવું કૃત્ય કર્યું હોવાની વાત સામે આવી છે.