સૌની યોજનામાં 7000 કરોડનો ખર્ચ વધવા છતા કામ અપૂર્ણ, હજૂ પણ ખર્ચ વધે તેવી શક્યતા

રાજ્યના તત્કાલિન મુખ્યપ્રધાન અને હાલના વડાપ્રધાન નરેન્દ્ર મોદીએ વર્ષ 2012માં રૂપિયા 10,000 કરોડની સૌની યોજનાનું લોન્ચિંગ કર્યું હતું, ત્યારે 5 વર્ષમાં પૂરી થવાનો અંદાજ અપાયો હતો અને આજે 8 વર્ષથી વધુનો સમય થયો હોવા છતાં પણ કામ પૂર્ણ થયા ન હોવાનું વિધાનસભા પ્રશ્નોત્તરીમાં સામે આવ્યું છે.

• સૌની યોજનામાં 7000 કરોડ ખર્ચ વધ્યો
• આવનારા સમયમાં પણ ખર્ચ વધે તેવી શક્યતાઓ
• 5 વર્ષનો પ્રોજેક્ટ, 8 વર્ષ પૂરા થયા પણ પ્રોજેકટ હજૂ બાકી

ગાંધીનગર: રાજ્યના તત્કાલિન મુખ્યપ્રધાન અને હાલના વડાપ્રધાન નરેન્દ્ર મોદીએ વર્ષ 2012ની વિધાનસભાની ચૂંટણી દરમિયાન સૌરાષ્ટ્રના 115 જળાશયો ઓવરફ્લો થતા નર્મદાનીરથી ભરવા રૂપિયા 10,000 કરોડની સૌની યોજનાનું લોન્ચિગ કર્યું હતું, ત્યારે તે 5 વર્ષમાં પૂરી થવાનો અંદાજ અપાયો હતો અને આજે 8 વર્ષથી વધુનો સમય થયો હોવા છતાં પણ કામ પૂર્ણ ન થયું હોવાનું વિધાનસભા પ્રશ્નોત્તરીમાં સામે આવ્યું છે.

7000 કરોડનો વધારાનો ખર્ચ

સૌની યોજનાના ત્રીજા તબક્કાના કામો હજૂ બાકી છે, પણ વિધાનસભા ગૃહમાં આ યોજના પૈકી ખર્ચ રૂપિયા 7 હજાર કરોડથી વધીને આજે યોજના રૂપિયા 16,770 કરોડથી વધુ ખર્ચે પહોંચી ગઈ છે. તેમ વિધાનસભાના એક પ્રશ્નના ઉત્તર અન્વયે જાણવા મળ્યું છે. ઉલ્લેખનીય છે કે, આ યોજના પર તત્કાલિન મુખ્યપ્રધાન એટલો ભાર દીધો હતો કે, તેમને જે તે સમયે જાહેરસભામાં જણાવ્યુ હતું કે, અનેક યોજનાઓ આપી છે, પણ સૌની યોજના હું જ પૂરી કરાવીશ અને કલ્પસર યોજનાનો આરંભ પણ જાતે કરાવીશ. જોકે, ખેડૂતો આજે પણ કલ્પસર યોજનાની અમલવારી માટે મુખ્યપ્રધાન રજૂઆતો કરી રહ્યા છે.

આ પણ વાંચો : ગાંધીનગર - વિધાનસભા ગૃહના ત્રીજા દિવસે કૃષિ, રમતગમત સહિત અન્ય મુદ્દાઓ પર ચર્ચા કરવામાં આવી