છેલ્લા 2 માસમાં માસ્કને લીધે સરકારને 45 કરોડની આવક

રાજ્યમાં માર્ચ, એપ્રિલ અને મે માસમાં કોરોનાની ત્રીજી લહેર ત્રાટકી હતી. ત્યારે લોકોમાં ડરનો માહોલ જોવા મળ્યો હતો, પણ મે મહિનાથી રાજયમાં ધીમે-ધીમે કોરોનાના પોઝિટિવ કેસનો આંક નીચે તરફ ગયો અને છેલ્લા 1 માસથી હવે રોજના 50થી ઓછા કેસો સામે આવ્યા ત્યારે લોકોમાં ફરી કોરોનાનો ડર ગુમ થયો છે. ત્યારે જાહેરમાં માસ્ક વગર ફરતા અને જાહેરમાં થુંકતા લોકો વિરુદ્ધ રાજ્યની પોલીસ દ્વારા 45,17,20,500ની રકમની વસુલાત કરવામાં આવી છે.

• રાજ્યમાં છેલ્લા 2 માસમાં દંડની આવક થઈ જાહેર
• રાજ્યમાં જૂન અને જુલાઈમાં 45 કરોડથી વધુનો દંડ વસુલયો
• માસ્ક અને જાહેરમાં થુંકવા બદલ સરકારે 45 કરોડ વસુલયા

ગાંધીનગર: દેશમાં કોવિડ 19ની બીમારીથી બચવા માટે કેન્દ્ર સરકારે ફરજીયાત માસ્ક, સામાજિક અંતર અને વારંવાર હાથને સેનેતાઈઝ કરવાના નિયમો બનાવવામાં આવ્યા છે. જ્યારે જાહેરમાં માસ્ક વગર ફરતા લોકો વિરુદ્ધ પણ પોલીસ અને સ્થાનિક તંત્ર દ્વારા કાયદેસરની કાર્યવાહી કરવામાં આવે છે. ત્યારે ગુજરાતમાં માસ્ક વગર ફરતા લોકો વિરુદ્ધ પોલીસને દંડ વસુવાની સત્તા આપવામાં આવી છે. જેમાં ગુજરાતમાં ફક્ત છેલ્લા 2 જ માસમાં 45 કરોડથી વધુનો દંડ પોલીસ દ્વારા કરવામાં આવ્યો છે.

45 કરોડનો દંડ ફક્ત 2 મહિનામાં વસુલયો

રાજ્યમાં માર્ચ એપ્રિલ અને મે માસમાં કોરોનાની ત્રીજી લહેર ત્રાટકી હતી. ત્યારે લોકોમાં ડરનો માહોલ જોવા મળ્યો હતો, પણ મે મહિનાથી રાજયમાં ધીમે-ધીમે કોરોનાના પોઝિટિવ કેસનો આંક નીચે તરફ ગયો અને છેલ્લા 1 માસથી હવે રોજના 50થી ઓછા કેસો સામે આવ્યા ત્યારે લોકોમાં ફરી કોરોનાનો ડર ગુમ થયો છે. ત્યારે જાહેરમાં માસ્ક વગર ફરતા અને જાહેરમાં થુંકતા લોકો વિરુદ્ધ રાજ્યની પોલીસ દ્વારા 45,17,20,500ની રકમની વસુલાત કરવામાં આવી છે. જ્યારે સૌથી વધુ દંડ અમદાવાદ શહેરમાં વસૂલાયો છે. જ્યારે સૌથી ઓછો દંડ રાજ્યના પાટનગરમાં વસૂલાયો છે.

ક્યાં કેટલો દંડ વસુલવામાં આવ્યો

શહેર	જૂન માસનો દંડ	જુલાઈ માસનો દંડ	2 માસનો કુલ દંડ	શહેર	જૂન માસનો દંડ	જુલાઈ માસનો દંડ	2 માસનો કુલ દંડ
અમદાવાદ શહેર	6,61,23,000	4,11,08,000	10,72,31,000	સાબરકાંઠા	5767000	5137000	10904000
સુરત શહેર	25409000	16301000	41710000	મહેસાણા	7831000	5065000	12896000
વડોદરા શહેર	1,71,88,000	96,81,000	26869000	વડોદરા ગ્રામ્ય	4965000	1188000	6153000
રાજકોટ શહેર	41290500	24339000	65629500	ભરૂચ	4651000	2504000	7155000
અમદાવાદ ગ્રામ્ય	4545000	2435000	6980000	નર્મદા	824000	878000	1702000
આણંદ	4143000	1636000	5779000	છોટાઉદેપુર	2069000	1487000	3556000
ખેડા	7133000	4753000	11886000	પંચમહાલ	4997000	2446000	7443000
ગાંધીનગર	2479000	282000	2771000	મહીસાગર	2169000	834000	3003000
અરવલ્લી	2026000	871000	2897000	દાહોદ	3497000	1879000	5376000

શહેર	જૂન માસનો દંડ	જુલાઈ માસનો દંડ	2 માસનો કુલ દંડ	શહેર	જૂન માસનો દંડ	જુલાઈ માસનો દંડ	2 માસનો કુલ દંડ
વલસાડ	2648000	1530000	4178000	ગીર-સોમનાથ	2417000	2161000	4578000
નવસારી	2486000	1571000	4057000	પોરબંદર	1202000	429000	1631000
ડાંગ	451000	1113000	1564000	સુરત ગ્રામ્ય	6827000	4381000	11208000
તાપી	2545000	1713000	4258000	જૂનાગઢ	2661000	2371000	5038000
રાજકોટ ગ્રામ્ય	6043000	3102000	9145000	ભાવનગર	8194000	6520000	14774000
મોરબી	4999000	3366000	8365000	બોટાદ	2247000	761000	3008000
જામનગર	6356000	4225000	10581000	અમરેલી	998000	703000	1701000
દેવભૂમિ દ્વારકા	1144000	860000	2004000	કચ્છ-ભૂજ	2895000	1784000	4679000
સુરેન્દ્રનગર	2749000	1391000	4140000	કચ્છ પૂર્વ	2068000	805000	2873000

શહેર	જૂન માસનો દંડ	જુલાઈ માસનો દંડ	2 માસનો કુલ દંડ	શહેર	જૂન માસનો દંડ	જુલાઈ માસનો દંડ	2 માસનો કુલ દંડ
બનાસકાંઠા	8851000	5349000	14200000	પશ્વિમ રેલ્વે અમદાવાદ	1304000	792000	2096000
પાટણ	3069000	1682000	4751000	પશ્વિમ રેલ્વે વડોદરા	2056000	1165000	3221000

મેં મહિના થી દંડમાં તબક્કાવાર ઘટાડો

રાજ્યમાં મે માસની સરખામણીએ જોઈએ તો તબક્કાવાર દંડની રકમમાં ઘટાડો નોંધાઈ રહ્યો છે. એટલે કે પ્રજામાં માસ્ક પ્રત્યે જાગૃતિ આવી છે. જો મે માસની વાત કરીએ તો સમગ્ર રાજ્યમાંથી કુલ 37 કરોડ જેટલો દંડ વસૂલાયો છે. જ્યારે જૂન માસમાં આ રકમમાં ઘટાડો થઈ 28 કરોડ સુધી પહોંચ્યો અને બાદમાં જુલાઈ માસમાં આ રકમ 17 કરોડ સુધી પહોંચી છે.

આ પણ વાંચો: ભાવનગર શહેર જિલ્લાના 23 પોલીસ સ્ટેશને માસ્કનો 1,22,869 દંડ વસૂલાયો

અમદાવાદ શહેરમાં વધુ દંડ

જૂન અને જુલાઇ માસ દરમિયાન અમદાવાદ શહેરમાં 6,61,23,000 જૂન મહિના અને જુલાઈમાં 4,11,08,000નો દંડ થઈને કુલ 2 માસમાં 10,72,31,000 નો દંડ વસુલ કરવામાં આવ્યો છે. જ્યારે ગાંધીનગરમાં 24,79,000 જૂન માસમાં અને જુલાઈ માસમાં- 2,82,000 કરીને કુલ 2 માસમાં 27,71,000 નો રાજ્યમાં સૌથી ઓછો દંડ વસુલ કરવામાં આવ્યો છે. આમ, એકંદરે રાજ્યમાં સૌથી વધારે અમદાવાદ શહેરમાં દંડની વસૂલાત થઈ છે જ્યારે પાટનગર ગાંધીનગરમાં સૌથી ઓછો દંડ વસૂલાયો છે.

આ પણ વાંચો: Kullu પ્રશાસનનો આદેશઃ આમ કરશો તો થશે 5000 સુધીનો દંડ, મોટીસંખ્યામાં ટુરિસ્ટ ફરવા આવતાં ચેતવણી

વર્ષ 2020 થી 270 કરોડ નો દંડ વસુલ કરવામાં આવ્યો

ગુજરાતમાં દંડ ની વસૂલાત બાબતે એડીજીપી નરસિમ્હા કોમારે જણાવ્યું હતું કે, રાજયમાં જ્યારથી કોરોનાની શરૂઆત થઈ છે. ત્યારથી આજ દિવસ સુધીમાં કુલ 270 કરોડ રૂપિયાનો દંડ વસુલ કરવામાં આવ્યો છે.