ભાવનગરમાં જાહેરનામાનો ભંગ કરનાર ત્રણ દુકાનોને તંત્રએ સિલ કરી

ભાવનગર શહેરમાં ગુરુવાર સવારથી સરકારે શુ ખુલ્લું રાખવું શુ નહી તેનાથી વ્યાપારીઓ અસમંજસમાં હતા પરંતુ પોલીસ જ્યાં જ્યાં પોંહચી ત્યાં સમજાવટથી દુકાનો બંધ કરાવી અને જેને જાહેરનામાનો ભંગ કર્યો તેવી ત્રણ દુકાનોને તંત્રએ સિલ કરીને કાયદાની સમજ આપી છે.

• ભાવનગરમાં લોકડાઉનનું કડક પાલન
• 3 દુકાનો ખુલ્લા રહેતા પોલીસે દુકાન કરી સીલ
• વેપારીઓ પર કરવામાં આવશે કાયદાકિય કાર્યવાહી

ભાવનગર: બુધવારે રાજ્ય સરકારે રાજ્ય ભરમાં આવેલાં નાનાં મોટાં 29 શહેરોમાં લોકડાઉન જાહેર કર્યું છે. જેને પગલે ભાવનગર શહેરમાં આવશ્યક વસ્તુઓનું વેચાણ કરતી દુકાનો સિવાય અન્ય વ્યવસાયી એકમો સવારથી જ બંધ રહ્યાં હતા. આમ છતાં આ જાહેરનામાનો ભંગ કરી દુકાનો ખુલ્લી રાખતા 3 વેપારીઓ તંત્રની ઝપટે ચડી ગયા હતા. તંત્રના અધિકારીઓએ આ વેપારીઓને કાયદાની સમજ આપવા અને જાહેરનામાની ભાન કરાવવા દુકાનો સીલ કરી કાયદેસરની કાર્યવાહી હાથ ધરી હતી.

ભાવનગરમાં જાહેરનામાનો ભંગ કરનાર ત્રણ દુકાનોને તંત્રએ સિલ કરી

બજારમાં કંઇ ત્રણ દુકાનો ખુલ્લી રહેતા થઈ સિલબપોરના સમયે શહેરના વિવિધ વિસ્તારોમાં બીએમસીની ટીમ તપાસમાં નિકળતા વોરાબજારમા, પીરછલ્લા શેરી તથા મેઘાણી સર્કલમાં આવેલ ત્રણ દુકાનો ખુલ્લી જોવા મળી હતી. જેમાં વોરાબજારમાં આવેલી ફેશન વર્લ્ડ પીરછલ્લા શેરીમાં હસ્તકલા શો-રૂમ તથા મેઘાણી સર્કલમાં સેલ્સ ઈન્ડિયા નામની શોપ ખુલ્લી જોવા સાથે ગ્રાહકો પણ હાજર હોવાને કારણે અધિકારીઓએ આ દુકાન માલિકો વિરુદ્ધ જાહેરનામા ભંગનો કેસ કરી દુકાનોને સીલ કરી હતી. આ બાબતની જાણ અન્ય વેપારીઓને થતાં તેઓ પોતાની દુકાનોના શટર ટપોટપ બંધ કરી ઘર તરફ પ્રયાણ કર્યું હતું.

આ પણ વાંચો : ભાવનગરમાં ચેમ્બર એસોસિએશનના સ્વયંભૂ લોકડાઉનને મિશ્ર પ્રતિસાદ

સલાહકાર બની પોલીસે દુકાનો બંધ કરાવી

બુધવાર રાજ્યના 29 શહેરોમાં લોકડાઉન જાહેર કર્યું હતું. જેમાં આવશ્યક વસ્તુઓના વેચાણને બાકાત રાખવા સાથે જાહેર માર્ગો પરના યાતાયાતને છુટછાટ જાહેર કરી હતી. ત્યારે બુધવારે સવારે ભાવનગર શહેરમાં આવેલ મુખ્ય બજારોમાં લોકડાઉનનું કડક પણે પાલન થતું જોવા મળ્યું હતું. મહદઅંશે લોકોની અવરજવરમાં પણ નોંધપાત્ર ઘટાડો જોવા મળ્યો હતો. આ જાહેરનામાથી અજાણ એવાં કેટલાક વેપારીઓએ નિત્યક્રમ મુજબ સવારે પોતાના એકમો ખોલતાં ફરજપર તૈનાત પોલીસ જવાનો દ્વારા આવા વેપારીઓને સમજાવી દુકાનો બંધ કરાવી હતી.